اسلام آباد۔23مئی (اے پی پی): انٹر سروسز پبلک ریلیشنز ءِ ڈائریکٹر جنرل میجر جنرل احمد شریف چوہدری ءَ گوشت کہ آپریشن بنیان مرصوص ءِ وھد ءَ پاکستان ءَ دروگ، دزگٹی، زوراکی ءُ بھارتی زوراکی ءِ پدر کنگ ءِ جار جتگ۔ اے مئے دود ءُ ربیدگ، قدر ءُ مذہب ءِ ھلاپ اِنت کہ ما ھرچ مذھبی یا مقدسیں جاہ ءِ سرا اُرش کنیں۔ دو رقیبیں ملکانی نیام ءَ جنگ ءِ ھیال ءِ وت خطرناک ءُ مضحکہ خیز اِنت۔ بس یک دیوانگے اے گپ ءَ جیڑ اِت کنت کہ آ پاکستان ءِ 240 ملین مردمانی آپ ءِ رسگ ءَ بند کنت۔ اے ممکن نہ انت۔ اگاں بھارت اے کار ءَ پدا بہ کنت گڑا مئے پسو چہ ایشی ءَ گیش تیز ءُ سخت بیت۔ آئی ءَ اے ھیالانی درشانی الجزیرہ ٹی وی ءَ گوں تران کنان ءَ گْوشتگ: ما گوں عاجزی ءَ گْوشیں کہ اے جنگ مئے اِنت بلے سوبمندی اللہ تعالیٰ ءِ اِنت۔ اگاں تو پاکستان ءِ میتگ ءُ شھراں بہ روئے گڑا اے پسو راج ءِ دیم ءَ اِنت، ھما وشّی ءُ جشن ءَ کہ آ منّگ ءَ اَنت، کہ اے ایوک ءَ فوجی مانور ءِ گپ نہ اِنت ءُ نہ کہ ایوک ءَ ھوائی یا زمینی جنگ اِنت، بلکیں راستی ءُ انصاف ءِ جنگ اِنت (حقیقت ءِ جنگ)۔ آئی ءَ گوشت کہ پاکستان ءَ دروگ، دزگٹی، زوراکی ءُ بھارتی زوراکی ءِ پدر کنگ ءِ جار جتگ۔ پہلگام ءَ پد ہندوستان ءَ یک من گھڑتیں کسہے دیم ءَ آؤرت۔ پاکستان ءَ بس یک گپے جت کہ اگاں شمئے کرّا مئے کسے ءِ شہری یا ریاستی سیادی ءِ ثبوت است گڑا آ دیم ءَ بیار اِت ءُ آ ھم میان اُستمانی براتی یا دگہ ھچ وڑیں لائکیں، بھروسہ مندیں گلے ءِ دیم ءَ بیار اِت دانکہ یک شفافیں پٹ ءُ پولے بہ بیت۔ بلے ہندوستان ءَ ھچ وڑیں پسو نیست ات ءُ انگت ھم نیست۔ لہتیں روچ پیسر ہم آہانی دری کارانی وزارت ءَ گشتگ ات کہ پٹ ءُ پول انگت برجاہ انت۔ پمیشکا آھانی 6 ءُ 7 ءِ روچ ءَ کتگیں کارانی ھچ وڑیں اخلاقی جواز نیست۔ آئی ءَ گْوشتگ کہ ما شُھازگ ءَ ایں، راستی ءَ گْوشتگ، دروگ نہ بستگ ءُ چیزاں ٹُکّر ٹُکّر نہ کتگ۔ دانت ءَ دیست کہ انفارمیشن وار ءَ ہندوستان ءِ رسانکدر ءُ ریاست وت دروگ بندگ ءَ انت۔ پروپیگنڈا ءُ دروگیں دعویٰ: آہانی تھیٹر ءُ فلم انڈسٹری سک دیمروئی کتگ، پاکستان ءَ چہ باز دیم ءَ انت، ہمے سبب انت کہ آ نوکیں کسہ جوڑ کن انت۔ چوناھا بس گوستگیں روچ ءَ من اشکت کہ ھندوستان ءَ گْوشگ ءَ اِنت کہ پاکستان ءَ گولڈن ٹیمپل ءِ سر ءَ اُرش کُتگ۔ چہ ایشی ءَ مستریں دروگ بوت نہ کنت۔ ما سکھانی مقدسیں جاہاں چوشکہ نانکانا صاحب، پنجا صاحب ءُ دگہ مذہبی جاہانی رکھینگ ءَ ایں، ءُ ما کرتار پور صاحب ءِ شرپ ءَ کنیں۔ ما وتی سکھ برات ءُ گہاراں دوست داریں۔ ما گوں وتی پنجاب (پاکستان ءُ ہندوستان) ءَ یک مشترکہ دود ءُ ربیدگ، زبان ءُ نزیکی یے شریک ایں. پاکستان ءِ مسلمان ءُ سکھانی نیام ءَ گہتریں سیادی است انت ۔ ما پرچا زرین مندر ءِ مقدسیں جاہ ءِ سرا اُرش کنیں؟ اے مئے دود ءُ ربیدگ، قدر ءُ مذہب ءِ ھلاپ اِنت کہ ما ھرچ مذھبی یا مقدسیں جاہ ءِ سرا اُرش بہ کنیں۔ ڈی جی آئی ایس پی آر ءَ گشتگ بھارتی میڈیا ءُ بھروسہ ءِ بحران ءِ سبب ءَ آ وتی مزنیں افسر ءُ جنرلاں میڈیا ءِ دیم ءَ دروگ بندگ ءَ آرگ ءَ انت۔ یک جُستے ءِ پسو ءَ آئی ءَ گْوشتگ کہ ما چوں ھندی مردمانی گپانی سر ءَ باور کن ایں؟ اولی رند ءَ آیاں وتی ساکھ ءِ بحالی کنگی اِنت۔ اعتماد چہ راستی ءِ گپ جنگ ءَ پیداک اِنت، نہ کہ چہ ھزاراں ویب سائیٹانی بند کنگ ءَ، رسانکدر ءِ سر ءَ بندش جنگ ءَ یا سرکار ءِ سر ءَ ایراد گرگ ءَ مردمانی سُتکگ ءَ۔ آیا پاکستان ءَ اے جیڑہ ءِ تہا ہچ صحافی سُتکگ؟ ہچ وڑا ناں. ما وتی سلاہ بندیں اُرد، وتی ھوائی اُرد ءُ وتی پائلٹانی ھمگرنچیں یکوئی ءُ راجی یکوئی ءِ سر ءَ پھر کنیں۔ اے جنگ ءُ چوپ ءِ تہا شما جتا جتائیں قوتانی ہمگرنچی دیستگ ات، نہ ایوک ءَ آرمی، ایئر فورس، ءُ نیوی ءِ نیام ءَ بلکیں گوں سانسی قومی ءُ پاکستانی راج ءَ ہم یک مھکمیں ہمگرنچی یے دیستگ ات۔ آئی ءَ گوشت کہ آہنی دیوار ”بے نبشتگیں“ ھندی زوراکی ءِ ھلاپ ءَ یکجاھیں مزاحمت اِنت۔ پاک فضائیہ ءِ بے دروریں پیشہ وارانہ ءُ ٹیکنالوجی ءِ برتری مئے شان انت۔ ءُ 7 ءِ شپ ءَ سرجمیں ملک ءَ ھوائی جنگ ءِ گواہ بوتگ۔ اے دہائیاں چہ ھوائی جنگی کالج ءُ فوجی ادارہانی تہا وانینگ ءُ تران کنگ بیت۔ ما وتی پائلٹانی غیر معمولی پیشہ وارانہ ءِ سرا سلام پیش کنیں۔ جے ایف 17 تھنڈر، جے 10 سی ءُ زمان پھٹ ون ءُ پھٹ ٹو مظفر درست پاکستان ءِ ٹیکنالوجی ءِ دیمروئی ءِ مثال اَنت۔ آئی ءَ گْوشتگ: ما انگت ءَ وتی روایتی اُرد ءِ سرجمیں توان ءَ کارمرز نہ کتگ۔ ایشی ءِ مزنیں بہرے بلوچستان ءُ صوبہ خیبر پختونخوا ءَ ہندوستان ءِ کمک ءَ ناشرکاری ءِ ھلاپ ءَ ھوار اِنت۔ دیناز زانت کہ اے دمگ ءَ ناشرکاری ءِ مستریں اسپانسر ہندوستان اِنت۔ ما یک سربازے ھم چہ اے آپریشناں در نہ کتگ۔ ما وتی سرجمیں ٹیکنالوجی ءَ ھم پدر نہ کتگ۔ ڈی جی میجر جنرل احمد شریف چوہدری ءَ گوشت کہ امریکہ، چین، سعودی عرب، قطر، متحدہ عرب امارات ءُ دگہ دگنیا ءِ طاقت زان اَنت کہ دو رقیبیں اسلامی ملک آنی نیام ءَ جنگ ءِ وت ھیال خطرناک ءُ مضحکہ خیز اِنت۔ ہندوستان بازیں سالاں چہ جنگی تب ءِ آماچ اِنت کہ آتش ءِ ھلاس کنگ ءِ برابر اِنت۔ انچیں چاگردے جوڑ کنگ ءَ اَنت کہ چہ ایشی ءَ یکے دومی ءِ تباہی ءِ سوب جوڑ بیت۔ اے سبب انت کہ پاکستان ءَ زانتکاریں کار کتگ ءُ اے سرجمیں جیڑہ ءَ را زوراکی ءِ نیمگ ءَ دیم ءَ برگ ءِ اجازت نہ داتگ۔ جنگ بندی ءُ ایمنی ءِ شرط جنگ بندی ءِ بزانت ہمیش انت کہ دوئیں نیمگاں تیرگواری بند کتگ بلے ایمنی ہما وہد ءَ کیت کہ ہندوستان وتی جنگ پاگل، نوآبادیاتی ذہنیت ءَ چہ رکّیت۔ آئی ءَ گوشت کہ ایشی ءِ اشرافیہ ءِ نیمگ ءَ مسلمان ءُ اقلیت آنی سر ءَ بوتگیں ظلم ءُ زوراکی یک مزنیں جیڈھ ءِ انت۔ نہ ایوک ءَ مسلمان بلکیں عیسائی، سکھ ءُ نزوریں ذاتانی سرا ہم سکیں زلم ءُ زوراکی ءِ آماچ انت۔ اے ظلم ءُ زوراکی ءَ چہ طبیعی رنگ ءَ ردیں رد ءُ بندے پیداک بیت کہ ہندوستان ایشانی دیم ءَ آرگ ءَ چہ انکار کنت۔ ہندوتوا ءُ برنول ءِ اندری جیڑہانی سرا دلگوش دیگ انتہا پسندی ءُ ہندوتوا ءِ نظریہ ءِ قدرتی آسر انت بلے ہندوستان پاکستان ءَ را ایشی ءِ ذمہ وار لیکگ ءَ برنول ءِ جیڑہ ءَ بدل کنت۔ داں ہندوستان اے اندری جیڑہاں وت گیش ءُ گیوار مہ کنت ایمنی ممکن نہ انت۔ ڈی جی آئی ایس پی آر ءَ گوشت کہ کشمیر یک گیواری نہ بوتگیں میاں اوستمانی جیڈھ اِنت، ایشی ءِ تہ ءَ پاکستان، چین ءُ بھارت ھوار اَنت۔ ایشی ءَ را اقوام متحدہ ءِ قرارداد ءُ کشمیری الس ءِ واھشت ءِ رد ءَ گیش ءُ گیوار کنگ بہ بیت۔ ہندوستان ظلم ءِ وسیلہ ءَ اے جیڑہ ءَ اندری معاملہ جوڑ کنگ ءِ کوشست کنت بلے اے راہ ءِ وسیلہ ءَ ایمنی ممکن نہ انت۔ بس یک دیوانگے ءِ گمان بیت کہ اے پاکستان ءِ 240 ملین مردمانی آپ ءِ رسگ ءَ بند کنت۔ اے ممکن نہ انت۔ ما اے گپ ءَ را یک راستی یے ءِ رنگ ءَ زورگ لوٹیں کہ کشمیر ءَ چہ شش دریا درکپ اَنت ءُ اقوام متحدہ ءِ قراردادانی رد ءَ کشمیر یک جھیڑوی دمگے ۔ اگاں باندا کشمیری راج ءِ واھگ ءِ رد ءَ کشمیر پاکستان ءَ ھوار بہ بیت گڑا اے درستیں دریا پاکستان ءِ بنت ءُ ھندوستان یک ڈاؤن اسٹریم دریا ءِ ریاستے جوڑ بیت ءُ پدا اے پیسلہ مئے سرا بیت کہ ما کئے ءَ بہ دئیں، وھدے کہ چینل ھم اے جیڑہ ءِ یک بھرے ۔ ہندوستان ءَ اے گپ سرپد بہ بیت کہ آ کجام آتش ءِ آماچ بوتگ۔ گلوبل ریسپانسبلٹی ءُ پاکستان ءِ عزم پاکستان ءُ چین دہائیاں چہ جتا جتائیں شوبگ آنی تہ ءَ شریک بوتگ اَنت۔ پاکستان، چین ءُ دگہ ذمہ واریں راج ایمنی ءِ ھاترا جھد کن اَنت۔ انچوش کہ پاکستان ءَ وتی جنگ وت ءَ بُوتگ۔ اگاں ہندوستان ءَ وت ءَ وتی سرا زُرتگ گڑا آ وتی جنگ ءَ بہ کنت۔ ہندوستانی ءَ ہم وت ءَ نظم ءُ ضبط ءِ زانگ لوٹیت، ءُ دروگ ءُ جارحیت ءِ سرا انحصار کنگ بند کنگ لوٹیت۔ مزاحمتی حکمت عملی ءُ آیوکیں موقف: وھدے کہ ہندوستان ءَ پدریں رنگ ءَ اُرش کت گڑا ما مھکم بوتیں ءُ مرچی ھم اوشتاتگیں۔ اگاں ہندوستان پدا اے کار ءَ بہ کنت گڑا مئے پسو چہ ایشی ءَ گیشتر تیز ءُ سخت تر بیت۔
