جنیوا۔23مئی (اے پی پی): وفاقی جان سلامتی ءِ وزیر مصطفیٰ کمال ءَ گوشت کہ پاکستان ڈبلیو ایچ او ءِ مشرقی بحیرہ روم ءِ گوما استیں کمک ءَ را گیش مھکم کنت۔ آئی ءَ اے گپ جنوما ءَ ڈبلیو ایچ او ءِ مشرقی بحیرہ روم ءِ دمگی ڈائریکٹر ڈاکٹر حنان بلخی ءَ گوں گند ءُ نند ءِ ساھت ءَ کت۔ وزارت ءِ جان سلامتی ءِ نیمگ ءَ چہ جاڑی بوتگیں بیان ءِ رد ءَ گند ءُ نند ءَ دمگی تک ءَ جان سلامتی ءِ رجحان ءُ چیلنج آنی ھوالگ ءَ ھیال ءُ لیکہ ءِ تبادلہ ءِ سر ءَ دلگوشی دیگ بوتگ۔ فرانک ءَ جان سلامتی ءِ شوبگ ءَ را نوکیں رنگ ءَ جوڑ کنگ ءُ موثر ریگولیٹری فریم ورک، سمارٹ میڈیسن، مصنوعی ذہانت ءُ ایندگر نوکیں ٹیکنالوجی آناں دیمروئی دیگ ءِ واستہ شریکداری ءَ را گیش کنگ ءِ سر ءَ تپاک کتگ، ایشی ءِ مول ءُ مراد ایش انت کہ الس ءَ را جوانیں، گیش موثر ءُ بروقت طبی آسراتی پھجارینگ بہ بیت۔ وفاقی جان سلامتی ءِ وزیر صدیق مصطفیٰ کمال ءَ گوشت کہ جان سلامتی ءِ شوبگ ءَ ڈبلیو ایچ او ءِ ازمت ستا کرز انت۔ پاکستان ءَ را میاں اوستمانی گل آنی کمک ءَ راجی جان سلامتی ءِ نظام ءَ را گیش گہتر کنگ ءِ واستہ جزمیگ انت۔ آئی ءَ گوشت کہ اے گند ئُُ نند آیوکیں مھکمیں شریک داری ءِ تہ ءَ یک ھاسیں لنکُو ءِ ثابت بیت۔ ڈاکٹر حنان بلکھی ءَ را جان سلامتی ءِ شوبگ ءَ پاکستان ءِ کوشست آناں ساڑات ءُ سرجمیں رنگ ءَ کمک ءِ درشان کت۔
