اسلام آباد۔23مئی (اے پی پی): جان سلامتی ءِ وزیر ءِ مملکت ڈاکٹر مختار بھرتھ ءَ ڈینگی تب ءِ ممکنہ وبا ءَ گوں گر ءُ دار ءِ واستہ سکیں انتظامی گامگیج آنی سر ءَ زور پر داتگ۔ جان سلامتی ءِ وزیر مملکت ڈاکٹر مختار بھرتھ ءَ سیادی داروکیں واکداراں نمدی ءِ شنگ کنگ ءِ تہ ءَ ڈینگی ءِ تب ءِ گر ءُ دار ءِ واستہ ترندیں گامگیج زورگ ءِ ہدایت کنگ بوتگ۔ ریلیز ءِ رد ءَ ڈاکٹر مختار بھرتھ ءَ گشتگ کہ ڈی ایچ او، سی ڈی اے، ءُ ڈپٹی کمشنراں تفصیلی مائیکرو پلان ءُ سرویلنس شیڈول پیش کنگی انت۔ بیا اِت ڈینگی وائرس ءِ ھلاسی ءِ ھاترا ھمگرنچیں گامگیج چست بہ کن اِت۔ آئی ءَ گشتگ کہ ڈریگن فلائی ءِ لاروا ءِ زوت پجارینگ ءِ ھاتر ءَ موثر حکمت عملی جوڑ کنگ بہ بیت۔ اسلام آباد ءُ راولپنڈی ءَ ترندیں بنیاد ءَ فوگنگ، کلیننگ ءُ سرویلنس سسٹم جوڑ کنگ بہ بیت۔ آئی ءَ گوشت کہ موثر کنٹرول ءِ واستہ الس ءَ را احتیاطی گامگیج آنی سر ءَ سک باز عمل کنگ لوٹ ایت وھدیکہ وزارت جان سلامتی ڈینگی ءِ گوں گر ءُ دار ءِ واستہ ھمک رنگ ءِ گامگیج کنگ ءَ انت۔ آئی ءَ گوشت کہ ڈینگی وائرس ءِ ھلاسی ءِ واستہ توامیں سیادی داروکیں مردم جوانیں گامگیج چست بہ کن اَنت۔
