اسلام آباد۔23مئی (اے پی پی): وزارت تہی کار ءُ منشیات ءِ گر ءُ دار ءَ سوشل میڈیا ءَ تھائی لینڈ ءِ بدنام کنگ ءُ ایشرا ءَ را بنی آدم آنی شپوکی کنگ ءِ نیٹ ورک نامینگ ءُ ھمگرنچ کنگ ءِ رد ءَ رد کتگ ءُ اے گامگیج ءَ را ”گمراہ کنوک ءُ دروگ“ لیک اِتگ۔ وزارت تہی کار ءُ منشیات ءِ کنٹرول ءِ نیمگ ءَ چہ جمعہ ءِ روچ ءَ ادا شنگ بوتگیں نمدی ءِ رد ءَ تائی لینڈ بنی آدمی شپوکی ءِ بنجاھ اِنت۔ ایشی ءِ مٹ ءَ ملک ءِ نام ءَ رد کارمرز کنگ ءَ بے گناہیں مردماں وتی نپ ءُ سیت ءِ ھاتر ءَ پروش دیگ ءُ استحصال کنگ ءَ اَنت۔ وزارت تہی کار ءَ مردماں ہشدار داتگ کہ آ دروگیں وعدہ آں چہ ہشیار بہ بنت ءُ انسانی سوداگری ءِ خطراتاں چہ وت ءُ دومی مردماں بہ رکھین انت۔ اے گپ ءِ تہا گشگ بوتگ کہ اگاں شما ٹریفکنگ ءِ شک ءَ کن اِت یا کمک ءِ زلورت اِنت گڑا زوت چہ واکداراں ھال بہ دئے اِت۔ اے شور ءُ سلاہ حکومت ءِ کوشست ءِ بھر ءِ رد ءَ پاکستانی ورنا آناں انسانی سوداگر ءُ دزگٹی آنی سبب ءَ پیداکیں ھترہ آنی بابت ءَ سرپدی دیگ ءِ کوشست آنی تہ ءَ داتگ۔ وزارت تہی کار ءَ حکومت، میاں اوستمانی گل ءُُ سول سوسائٹی ءِ نیام ءَ انسانی دزگیری ءِ آفت ءِ ھلاپ ءَ جنگ ءِ ھاترا کمپین ءِ بندات کنگ ءِ ھاترا زور پر دات۔
