راولپنڈی (اے پی پی) 270می کور کمانڈرز کانفرنس ءِ سروکی ءَ فیلڈ مارشل سید عاصم منیر ءَ پنچ شمبے ءِ روچ ءَ جی ایچ راولپنڈی ءَ برجم دارگ بوت۔ دیوان ءِ تہ ءَ تہی ءُ درائیں سیکورٹی ءِ دیم ءَ اوشتاتگیں جیڈھ ءُ سرجمیں سیکورٹی ءِ جاور ھال آنی سر ءَ چار ءُ تپاسی کنگ بوت۔ فورم ءَ راستی ءِ جنگ ءِ یک ھاسیں ءُ فیصلہ کنوکیں پڑ ءِ آپریشن بانان مرسوس ءِ سوبمندیں سرجمی ءِ ستا کرتگ۔ کانفرنس ءَ آپریشن بانل مرسوس ءُ ضلع خضدار ءَ بوتگیں ناشرکاری اُرش ءِ شہیداں آنی واستہ پاتیہ ونتگ۔ کانفرنس ءِ بہر زوروکاں گشتگ کہ خضدار ءَ اے زلم ءُ زوراکی ہندوستان ءِ کمک ءَ پراکسی ءِ نیمگ ءَ کنگ بوتگ، ناشرکاری ءِ آسر ءَ 4 بے گناہیں چک ءُ 2 بے گناہیں مردم شہید کنگ بوتگ انت۔ فورم ءَ اے جزم ءِ پدا زور دات کہ شہید آنی ھون بے سوب نہ بنت، ءُ پاکستان ءِ اُلس ءِ رکھینگ سلاہ بندیں اُرد آنی اولی ترجی ءِ رنگ ءَ مانیت۔ فولڈا مارشل ءَ پاکستان ءِ اُلس ءِ بے دروریں کمک ءَ را شگر ءُ منت گپت ءُ گوشت کہ پاکستان ءِ اُلس مئے زور ءِ وسیلگ اِنت، ءُ ما بربریت ءِ زوراکی، ناشرکاری ءُ انتہا پسندی ءِ ھلاپ ءَ وتی یکجائی جہد ءِ تہ ءَ اُلس ءِ بھروسہ ءِ سر ءَ عمل کنگ ءِ ھاترا جزم آں ۔ فورم ءَ گوشت کہ بے سلاہیں شہری ءُ بے گناہیں زھگ آناں زانت ءُ زانت ءَ نشانگ جوڑ کنگ انسانیت ءِ بنیاتی اصول آنی ھلاپ ورزی اِنت، اے وڑیں کارروائی میاں اوستمانی کانود ءِ بے دروریں ءُ مذمت ءِ ھلاپ ورزی اِنت۔ فورم ءَ تہی ءُ دری سیکورٹی ءِ دیم ءَ اوشتاتگیں چیلنج ءُ سرجمیں سیکورٹی ءِ جاور ھال آنی سر ءَ سرجمیں رنگ ءَ چار ءُ تپاسی کنگ بوت۔ فورم ءَ کشمیری آنی وت واجہی ءِ حق ءِ واستہ برجاھیں عادلانہ جہد ءُ کشمیری آنی واستہ وتی سفارتی، سیاسی ءُ اخلاقی کمک ءِ سر ءَ وتی بے مٹیں جزم ءِ پدر کنگ کت۔
