اسلام آباد۔22مئی (اے پی پی): وفاقی وزیر تجارت جام کمال خان ءِ سروکی ءَ برآمدات ءِ دیمروئی فنڈ ءِ بورڈ ءِ دیوان پنچ شمبے ءِ روچ ءَ برجم دارگ بوت۔ دیوان ءَ ایف سی ڈی او ءِ کمک ءَ ”ریمیٹ پروجیکٹ“ ءِ نیمگ ءَ تیار کتگیں رپورٹ ءِ سر ءَ چار ءُ تپاسی کنگ بوت۔ دیوان ءِ تہا ریمیٹ ٹیم ءَ بورڈ ءِ دیم ءَ یک تفصیلی پریزنٹیشن ءِ دات، حکمت عملی ءِ تیاری ءِ ھاتر ءَ زورگ بوتگیں طریقہ کار ءِ سرا چمشانک دات، ایشی ءِ تہا گلوبل بیسٹ پریکٹسز ءِ وانگ، اسٹیک ہولڈرز ءِ شور ءُ سلاھ ءُ ہما جیڈھ آنی تجزیہ کنگ ھوار ات کہ ایشی ءَ چہ ای ڈی ایف ءَ را برآمدات ءِ دیمروئی ءِ تہا گیم چینجر جوڑ بوھگ ءَ چہ رکینتگ ات۔ پریزنٹیشن ءِ تہ ءَ پاکستان ءِ برآمداتی جاور ھال ءُ ھما چیز ھم ھوار کنگ بوتگ اَنت کہ آھاں ملک ءَ را لھتیں ھاسیں چیز ءُ مارکیٹ آنی تہ ءَ محدود کتگ۔ ٹیم ءَ سٹیک ہولڈرز ءِ شور ءُ سلاہ ءَ پد جوڑ کتگیں وژن، مشن ءُ اسٹریٹجک مول ءُ مراد پیش کتگ اَنت کہ ایشی ءِ تہ ءَ ای ڈی ایف ءَ را مارکیٹ ءِ رسائی، جدت ءِ دیمروئی، ءُ ھواریں ءُ پائیدار دیمروئی ءِ واستہ استیں ءُ نوکیں برآمد کنوک آناں تکنیکی ءُ مالی کمک ءِ سفارش کنگ بوتگ۔ مول ءُ مراد آنی سر ءَ سر بوھگ ءِ واستہ ای ڈی ایف ءَ را پیشہ وارانہ رنگ ءَ چلائینگ ءُ جوانیں رنگ ءَ دیم ءَ برگ بوتگیں ادارگ ءِ تہ ءَ بدل کنگ ءِ تجویز پیش کنگ بوتگ کہ ایشی ءِ تہ ءَ نیٹ ورک ءُ اتحاد ھم جوڑ کنگ بہ بنت۔ ماہرین ءَ اے 13 فنانسنگ ونڈوز ءِ جوڑ کنگ ءِ سفارش کتگ ات کہ ایشی ءِ تہا انفرادی انٹرپرائز ءِ دیمروئی، گلوبل اسٹینڈرڈائزیشن، مارکیٹنگ انٹیلی جنس، لیبر پیداواری، برانڈنگ، مارکیٹ ءِ رسائی، سپلائی چین ءِ ڈھانچہ، برآمداتی کریڈٹ / انشورنس ءِ وڑیں دمگ آنی سر ءَ دلگوشی دیگ بوتگ ات۔ ریمٹ ٹیم ءَ یک بدلی ءِ منصوبگ ھم پیش کتگ کہ ایشی ءِ تہ ءَ ای ڈی ایف ایکٹ ءِ قانونی چار ءُ تپاسی، اندری ڈھانچہ ءِ تہ ءَ اصلاحات، مالی کمک ءِ ونڈوز ءِ جوڑ کنگ، فریم ورک ءِ معاہدہ ءُ نگرانی ءُ ارزیابی ءِ نظام ھوار اَنت۔ بورڈ ءِ باسکاں ٹیم ءِ کوشست آناں ستا کرتگ ءُ سفارشات ءِ سر ءَ گوں تفصیل ءَ گپ ءُ تران کتگ۔ بورڈ ءَ فنڈ ءِ کارپوریٹائزیشن ءُ ایشی ءِ دراجیں مدتی اثر ءِ سر ءَ ھم ھیال ءُ لیکہ کت کہ ایشی ءَ چہ پاکستان ءِ برآمداتی حکمت عملی ءِ سر ءَ چونیں اثر کپیت۔ دیوان ءَ اے گپ ءِ سر ءَ تپاک کنگ بوت کہ شواہد ءِ سر ءَ بنیات ءِ سر ءَ پیسلہ کنگ ءِ واستہ پیشہ وارانہ رنگ ءَ چلائینگ بوتگیں ادارگ ءِ ضلورت اِنت۔ دیوان ءَ پیسلہ کنگ بوتگ کہ ای ڈی ایف ایکٹ ءِ قانونی چار ءُ تپاسی ءِ واستہ قانونی ماہر ءِ کار ءَ گوں بندوک کنگ بیت وھدیکہ بورڈ ءِ چار جندی ءُ دو سرکاری باسک آنی کمیٹی آیوکیں کارروائی ءِ بابت ءَ سفارشات کنت۔
