اسلام آباد۔ 22مئی (اے پی پی) بنجائی وزیر جان جوڑی سید مصطفیٰ کمال فلسطینی وزیرجان جوڑی تون اوڑدہی کرے۔ داوخت آ مصطفیٰ کمال وزیراعظم شہباز شریف نا کلہو ءِ فلسطینی ہم منصب آ سرکرے۔ اوپاکستان نا فلسطینی کاز اتون بدل مفروک عزم انا درشانی ءِ کرے۔ فلسطینی وزیر پاکستان نا تاریخی مخ تفی نا ستاءِ کرے۔ مچ آپاکستانی قوم بہادر فلسطینی الس تون سلوک ءُ۔ اوڑدہی ٹی غزہ کن طبی و انسانی امداد آ گپ وتران مس۔ ہڑتوم آ وزیرآتا انسانی ہمدردی نا عملی گام گیج آتیا گپ وتران مس۔ اوپارے کہ الس ءِ طبی وانسانی امداد فراوان کننگ نا چندی وڑوڈول آتیا گپ وتران کرینے۔ او ورلڈ ہیلتھ اسمبلی نا دیوان اٹی جہانی دنیا نا چکار ءِ اسرائیل نا غزہ ٹی برجاجارحیت آ مبذول کرفینے۔ پاکستان فلسطین، خاص کر غزہ نا برخلاف اسرائیلی جارحیت نا ترند انگا لوز آتیٹی مذمت ءِ کیک۔ اسرائیل نا ہسپتال و طبی عملہ ءِ رزاک اٹ شست کننگ بھاز است ہسونی اسے۔ دا نسل کشی آ تالان مہم و ظلم دمدستی وڑاٹ بند مرے۔ اوڑدہی جہانی ادارہ جا ن جوڑی نا اسمبلی نا وخت آمس۔
