اسلام آباد۔ 22مئی (اے پی پی) وزیرمملکت داخلہ طلال چوہدری پارینے کہ سائبر کرائم ونگ ءِ ایف آئی اے نا مقابلہ ٹی زیات غاو ملنگ ءِ، داونگ اٹی زوت پوسکن ءُ بھرتی کینہ وخت اس کہ صدر نشیں عبدالقادر پٹیل پارے کہ کم آن کم گریڈ 20 اسکان جوان ءُ آئی ٹی آفیسر بھرتی کننگے تانکہ گچین کاریم مننگ کے۔ پنچ شنبے نادے آ قومی اسمبلی ٹی وقفہ سوج آتیٹی شگفتہ جمانی نا سوج انا ورندی ٹی وزیرمملکت داخلہ طلال چوہدری ایوان ءِ پارے کہ سائبرکرائم کن اسہ پوسکن سائبرکرائم انوسٹی گیشن اتھارٹی اس جوڑ مسنے، ڈی جی تون اوار 5 سد ملازم داڑے کاریم کننگ ءُ، پیکاکانود جوڑ کننگا مچ آدنیا ٹی داوڑنا ریگولیشن ارے، ننتون وسیلہ کم ءِ وخت اس کہ درخواست زیات بریک، سائبرکرائم کن بھاز کاریم کننگ نا گرج ءِ، ایف آئی اے آن زیات غاو سائبر کرائم ءِ ملنگ ءِ۔ صدر نشیں پارے کہ داڑکن جوان بنداوی پے اسکیل اٹی آفیسر بھرتی کننگے۔
