اسلام آباد۔21مئی (اے پی پی): دود ءُ ربیدگ ءُ راجی مڈی ءِ وفاقی وزیر اورنگزیب کھچی ءَ فیلڈ مارشل سید محمد عاصم منیر ءَ را مبارکی دات۔ چار شمبے ءِ روچ ءَ جاڑی بوتگیں بیان ءِ تہ ءَ اورنگزیب کھچی ءَ گوشت کہ سید محمد عاصم منیر ءِ فیلڈ مارشل ءِ رینک ءَ سر بوھگ سک باز وش آتک کنگ بیت ءُ راجی دیمپانی ءُ شرپ ءِ چیدگ اِنت۔ آئی ءِ جوانیں سروکی ءُ کزبی کار ازمکاری ءَ نہ ایوک ءَ پاکستان ءِ سلاہ بندیں اُرد ءَ را نوکیں رنگ ءُ دروشم داتگ بلکیں پاکستان ءِ جہانی تک ءَ پوزیشن ءَ را ھم مھکم کتگ۔ اے پروموشن سرجمیں راج ءِ ھاترا فخر ءِ وسیلہ اِنت۔ آئی ءَ گیش گوشت کہ فیلڈ مارشل عاصم منیر ءِ جوانیں حکمت عملی، دور اندیشی ءُ راجی سلامتی ءِ واستہ بے مٹیں کوشست آنی سبب ءَ مرچی پاکستان پہ شان ءَ اوشتاتگ۔ آئی ءِ دیم ءَ برگ نا ایوک ءَ پاکستانی سلاہ بندیں اُرد ءِ واستہ بلکینگ ءَ سرجمیں پاکستانی ءِ واستہ شرپ انت۔ مئے دعا اِنت کہ اللہ تعالیٰ آئی ءَ را گیش ءَ چہ گیش سوبمندی بہ دنت ءُ پاکستان آئی ءِ سروکی ءَ گیش ءَ چہ گیش استحکام، دیمروئی ءُ شرپ ءِ رسگ ءَ بہ رسیت۔
