اسلام آباد۔21مئی (اے پی پی): راجی مڈی ءُ دود ءُ ربیدگ ءِ وفاقی وزیر اورنگزیب خان ءَ راجی دیمروئی ءِ تہ ءَ زالبول آنی کرد ءَ را کلیدی رنگ ءَ پیش کنان ءَ گوشت کہ پاکستان ءِ آیوکیں باندات زالبول آنی گوما بندوک انت۔ ہچ معیشت وتی سرجمیں توانائی ءَ سر نہ بیت داں کہ آ زالبولانی ٹیلنٹ، قیادت ءُ ہمت ءَ سرجمی ءَ ہوار مہ کنت۔ اے ھیالانی درشانی آئی ءَ کراچی ءَ برجم داشتگیں سیمینار ءَ گوں تران کنان ءَ کت اَنت۔ صوبائی تک ءَ جندر ءِ ھواریں دیمروئی ءِ مھکم کنگ ءِ ھاترا مزنیں گامگیج ءِ رنگ ءَ یورپی یونین ءِ کمک ءَ چہ منصوبگ GRASP ءِ چیر دستی ءَ ”زالبولیں کاروباری مردمانی واستہ پائیداریں نظام ءِ جوڑ کنگ“ ءُ ”زالبول ءُ کشت ءُ کشاری: سروکی، نوآبادیاتی ءُ اثر“ ءِ سرھال ءَ سیمینار برجم دارگ بوتگ اَنت۔ کراچی ءَ برجم داشتگیں سیمینار آنی تہ ءَ وفاقی ءُ صوبائی حکومت ، دیمروئی ادارگ ، مالیاتی ادارگ ، نجی شعبہ ءِ سٹیک ہولڈر ءُ دگہ بنجاہی رہشون آنی نمائندگ آنی ھوار انسانی حقانی کمیشن ، منصوبگ بندی ءُ دیمروئی ءِ محکمہ ، زالبولانی چیمبر آف کامرس اینڈ انڈسٹری ، پاکستان وینڈو سینٹر دگہ ، پاکستان سینبلی سینٹر کے ءِ نمائندگ آنی تہ ءَ بھر زوری کنگ بوتگ۔ ادارہانی سرا کار کنگ ءَ انت۔ پاکستان ءِ غربت ءِ ھلاسی ءِ فنڈ ءِ سی ای او نادر گلبرچٹ ءَ گوشت کہ اقتصادی آجوئی ءِ بنیات چہ لس تک ءَ بندات بیت۔ مئے مشن کمیونٹی ءِ تک ءَ زالبول آنی صلاحیت آناں پدر کنگ اِنت دانکہ آ ایوک ءَ دیمروئی ءِ سفر ءَ ھوار نہ بنت بلکیں آ رہشونی کرد ءَ ھم پیلو کن اَنت۔ صوبائی وزیر برائے کشت ءُ کشاری سردار محمد بخش ءَ کشت ءُ کشاری ءِ شوبگ ءَ زالبول آنی کرد ءِ سر ءَ زور پر دیان ءَ گوشت کہ نوں وھد اِنت کہ آھاں نوکیں وسیلگ، ھک ءُ پجار دیگ بہ بیت تانکہ آ بدل بوھوکیں موسم ءُ معیشت ءِ تہ ءَ رھشونی بہ کن اَنت۔ مارا چہ نمائش ءِ گامگیجاں دیم ءَ روگی اِنت۔ حقیقی شمولیت ہما وہد ءَ بیت کہ زالبول ہر پالیسی ءِ منصوبہ بندی، نفاذ ءُ نگرانی ءِ عمل ءِ بہر جوڑ بنت۔ سندھ ءِ بنجاھی وزیر ءِ مشیر تنزیلہ ام حبیبہ ءَ ادارگی یکوئی ءُ پالیسی ءِ شفافیت ءِ سر ءَ زور پر دات ءُ گوشت کہ زالبول آنی بااختیار کنگ نوں جتاھیں ایجنڈا نہ اِنت، اے مئے ھر شوبگ ءَ اولی ترجی بہ بیت۔ شریکاں زالبول آنی دیم ءَ اوشتاتگیں رکاوٹ آنی سر ءَ تران کت ءُ ایشی ءِ گیشواری ءِ راہ ءُ در پیش کت، ایشی ءِ تہ ءَ جنسی حساس مالیاتی ازمت، کشت ءُ کشاری، ڈیجیٹل شمولیت، قیادت ءِ دیمروئی، ءُ بے اجرتیں لوگی کار ءِ منگ ءِ وڑیں گامگیج ھوار اَنت۔ یکجائی ورکنگ گروپ ءِ جوڑ کنگ ءِ سر ءَ تپاک کنگ بوتگ، ایشی ءِ تہ ءَ سرکاری ءُ نجی شعبہ ءِ شریک ھوار بنت۔ اے گل ءَ سوبمندیں ماڈل آنی پیمانہ ءَ را گیش کنگ، مالی رسائی ءَ را گیش کنگ ءُ راجی صنفی برابری ءِ مول ءُ مراد آنی رد ءَ ادارگی گامگیج آناں مھکم کنگ ءِ واستہ یک صوبائی ایکشن فریم ورک ءِ جوڑ کنگ بیت۔
