کوئٹہ۔ 21 مئی (اے پی پی) کوئٹہ ٹی ایران نا قونصل جنرل علی رضارجائی کوئٹہ چیمبر آف کامرس اینڈ انڈسٹری نا دورہ ءِ کرے۔ داوخت آ چیمبر نا صدر حاجی محمد ایوب خان مریانی، سینئر نائب صدر حاجی اخترکاکڑ، نائب صدر انجینئر میر وائس خان کاکڑتون اوار ایلو سینئر باسک آک اودے جم وجوش اٹ بخیرکریر، داوخت آپاکستان و ایران واپاری تعلقداری ، بارڈر مینجمنٹ، ٹرانزٹ، امپورٹ/ایکسپورٹ وایلو تین پہ تینی است خواہی نا امور تیا سرجمی اٹ گپ وتران کننگا۔ کوئٹہ چیمبر آف کامرس اینڈ انڈسٹری نا صدر حاجی محمد ایوب خان مریانی پارے کہ پاک ایران ہڑتوم آ کنڈآتا واپار ءِ مون آ دننگ ، بارڈر فیسیلیٹیشن ءِ گچین کننگ وکاروباری تپہ ءِ آسراتی فراوان کننگ کن اسیجائی کوشست المی ءِ۔ ایران نا قونصل جنرل پوریاگر برادری ءِ باوری کرفے کہ ایرانی حکومت واپاری کمکاری ءِ پین گچین کننگ کن ہرممکن کمک فراوان کیک، اوڑدہی ٹی آخبت خڑک اٹی پاک۔ ایران واپاری تعلقداری تے پین ودفنگ نا عزم انا درشانی ءِ کرے۔
