صدر آصف علی زرداری نا خضدار اٹی اسکول بس آ دہشت گرد جلہو نا مذمت، شہید آتا خاہوت آتون ہڑزخواہی نا درشان

اسلام آباد۔ 21مئی (اے پی پی) صدر مملکت آصف علی زرداری بلوچستان اٹی بھارتی حمایت یافتہ دہشت گرد آتا کنڈآن اسکول بس آ دہشت گرد آتا جلہو نا مذمت ءِ کرساپارینے کہ بھارت پاکستان نا برخلاف دہشت گردآتا مخ تفی ٹی اوار ءِ۔ چارشنبے نادے آ ایوان ءِ صدر نا پریس ونگ آن جاری بیان نا رداٹ صدر مملکت واقعہ ٹی شہیدی ناجام ءِ کنوک آتا خاہوت آتون ہڑزخواہی نا درشانی ءِ کرے و پارے کہ اسکول آ ہنوک آ کودک چناتیا جلہو است ہسون و گندہ ءُ ڈوہ اسے۔ صدر مملکت پارے کہ بھارت نا حمایت یافتہ دہشت گرد آتا پورو چٹفنہ و پاکستان اٹ بھارتی مخ تفی اٹ مروک آ دہشت گردی ءِ جہانی کہول آ بے نقاب کینہ۔ اوپارے کہ بھارت پاکستان اٹی دہشت گردی نا کارروائی تیکن دہشت گرد آتے سپورٹ فراوان کننگ ءِ۔ صدر مملکت پارے کہ دہشت گرد آک تعلیم و انسانیت نا دشمن مننگ تون اوار اوار ملکی شونداری و صوبہ نا شونہالی نا دشمن ءُ۔ اوپارے کہ دہشت گرد آک بلوچستان ءِ شون ہلسا ہُننگ خواپسہ۔