کوئٹہ۔ 21مئی (اے پی پی) وزیراعلیٰ بلوچستان میر سرفرازبگٹی پارینے کہ خضدار اٹی اسکول بس ءِ شست کننگ انسانیت آ جلہو ءِ، بھارت ریاستی پالیسی نا وڑاٹ دہشت گردی ءِ مون آ دننگ ءِ۔ چارشنبے نادے آ تینا بیان اٹی وزیراعلیٰ بلوچستان پارے کہ بھارت بلوچستان اٹی تینا ایجنٹ آتا کمک اٹ دہشت تالان کننگ ءِ، پاکستان نا کنڈآن جارحیت نا پبی ورندی ءِ تننگ آن پد بھارت داوڑنا لغوری جلہو کننگ ءِ ولے نن بھارت نا مکروہ دروشم ءِ دنیا نا مون آ بے نقاب کینہ، وزیراعلیٰ بلوچستان میر سرفراز بگٹی پارے کہ دہشت گردی نا ہرمظہر ءِ ماس کش کینہ، پاکستانی قوم و فوج بھارتی سازش آتا برخلاف یکجاءُ۔ میر سرفرازبگٹی پارے کہ نرم ہدف آتیا جلہو بھارت نا اخلاقی پستی ءِ ظاہر کیک۔
