کراچی – 21 مئی (اے پی پی) :
سندھ مدرستہ الاسلام یونیورسٹی ءَ ’’پائیدار کمپیوٹنگ ءُ اے آئی: صنعت ءُُ چاگرد ءِ آیوکیں وھد ءِ جوڑ کنگ‘‘ ءِ سر ءَ دو روچی چارمی میاں اوستمانی کانفرنس بندات بوتگ۔ سندھ ہائیر ایجوکیشن کمیشن ءِ چیئرمین پروفیسر ڈاکٹر طارق رفیع ءُ سندھ مدرست اسلام یونیورسٹی ءِ وائس چانسلر ڈاکٹر مجیب سہرائی ءَ یونیورسٹی ءِ شہنواز بھٹو آڈیٹوریم ءَ کانفرنس ءِ بنگیج کت۔ کانفرنس سندھ ایچ ای سی ءِ کمک ءَ کنگ بوھگ ءَ انت۔ کانفرنس ءَ گوں تران کنان ءَ ڈاکٹر طارق رفیع ءَ گوشت کہ ایس ایم آئی یو ءِ تر ءُ تاب منی واستہ مدام شرپ ءِ بوتگ پرچا کہ اے پاکستان ءِ بانی قائداعظم محمد علی جناح ءُُ ایندگر مزنیں رہشون آنی الما میٹر اِنت۔ چیئرمین سندھ ایچ ای سی ءَ میاں اوستمانی کانفرنس ءِ برجم دارگ ءِ سر ءَ ایس ایم آئی یو ءِ توسیپ کنان ءَ گوشت کہ اے کانفرنس آنی برجم دارگ ءِ پُشت ءَ ایس ایم آئی یو ءِ وائس چانسلر ءِ کلیدی کرد اِنت ءُ سندھ ایچ ای سی ءَ مدام ایس ایم آئی یو ءِ دیمروئی ءُُ ایشی ءِ کار آنی تہ ءَ کمک کتگ۔ کانفرنس ءِ حوالہ ءَ چیئرمین سندھ ایچ ای سی ءَ گوشت کہ مارا پاکستان ءِ یونیورسٹی آنی تہ ءَ ریسرچ کلچر ءِ دیمروئی کنگی اِنت۔ آئی ءَ گوشت کہ انفارمیشن ٹیکنالوجی ءَ زندمان ءَ را سک ترندی ءَ گوں بدل کتگ، ھمے ھاتر ءَ آیوکیں وھد انفارمیشن ٹیکنالوجی ھاسیں رنگ ءَ آرٹیفیشل انٹیلی جنس ءِ اِنت۔ چوش کہ ما وتی نودربر، استاد ءُ دگہ کارمنداں گوں ایشی ءَ لیس کنگی اِنت۔ آئی ءِ گوشت کہ ٹیکنالوجی ءِ تہ ءَ مٹ بدلی گوستگیں 30سال ءَ چہ بوھگ ئَ انت، پمیشکا نوکیں نسل ایشی ءَ چہ سرپد بہ بنت۔
آئی ءَ گیش کرتگ کہ گوستگیں بھارتی زوراکی ءِ وھد ءَ ما ایشی ءِ تہ ءَ ٹیکنالوجی ءِ کارمردی دیستگ ءُ پاکستان ءَ اے گپ ثابت کتگ کہ آئی ءِ تہ ءَ دژمن ءَ را لائکیں پسو دیگ ءِ تکنیکی توانائی ھست۔ سندھ ایچ ای سی ءِ چیئرمین ءَ گوشت کہ اے روایتی جنگ نہ انت بلکینگ ءَ سائبر جنگ انت۔ ہچ ادارہ وتی جاہ ءَ مزن نہ بوت، ہرکس وتی حد ءُُ سیمسراں مان بوت، بلے ایشی ءِ تہا ٹیکنالوجی ءَ مزنیں کردے پیلو کت۔ آئی ءَ گوشت کہ ما بدلی ءَ را رکّینت نہ کن ایں پمیشکا اے نودربر، استاد ءُ انگت ءَ وائس چانسلر ءِ واستہ چیلنجیں وھد اِنت۔ وانگ ءُ زانگ ءُ جان سلامتی ءِ سر ءَ دلگوش کنان ءَ پاکستان ءَ را دیمروئی دات کنت۔ آئی ءَ سندھ حکومت ءِ توسیپ کت کہ آئی ءَ سندھ ءَ ہائیر ایجوکیشن ءِ کمک کتگ ءُُ انچیں بجٹ ءِ پجاری کتگ کہ ایندگہ صوبہ آنی تہ ءَ ہائیر ایجوکیشن ءِ واستہ داتگیں بجٹ ءَ چہ گیش انت۔ اے درگت ءَ آئی ءَ سندھ ءِ سر وزیر سید مراد علی شاہ ءِ کرد ساڑات ءُ گوشت کہ آ سندھ ءِ یونیورسٹی آنی تہ ءَ مزن وانگ ءُ زانگ ءُ جاور ھال آنی تہ ءَ گہتری ءِ واستہ سک باز واھشت مند اِنت۔ سندھ مدرستہ الاسلام یونیورسٹی ءِ وائس چانسلر ڈاکٹر مجیب سہرائی ءَ چیئرمین سندھ ایچ ای سی، راجی ءُُ میاں اوستمانی ریسرچ اسکالر ءُُ ایندگر مہمان آنی منت گپت کہ آہاں کانفرنس ءَ بہر زرتگ ءُُ گوشت کہ گوستگیں سئے سال آنی تہ ءَ ایس ایم آئی یو ءَ 12 میاں اوستمانی کانفرنس برجم داشتگ ءُُ ایشی ءِ کریڈٹ ایس ایم آئی یو ءِ ایندگر ڈین ءُُ فیکلٹی ءِ سرا انت۔ آئی ءَ گوشت کہ اگاں سندھ مدرست اسلام ءِ عمر 140سال اِنت بلے ایس ایم آئی یونیورسٹی ءِ عمر ایوک ءَ 13سال اِنت، پدا ھم آئی ءَ پٹ ءُُ پول ءِ سر ءَ دلگوشی داتگ ءُُ اے وھد ءَ دہ پٹ ءُُ پولی جرنل شنگ کنگ ءَ اِنت۔
اے موہ ءِ سر ءَ تران کنان ءَ وائس چانسلر ءَ گوشت کہ اے آئی ءَ موہ آنی برخلاف بازیں چیلنج آورتگ انت ھاسیں رنگ ءَ نوکیں نسل ءِ واستہ۔ پمیشکا مارا اے چیلنجاں سرپد بوھگ ءُ ھمے رد ءَ کار کنگ لوٹ ایت دانکہ ما راستیں راہ ءَ دیم ءَ شُت کنیں۔ آہاں اے آئی مئے واستہ واقعی چیلنج لیک اتگ ات۔ اے ہما وہد اِنت کہ آئی ٹی کمیونٹی، آئی ٹی ءِ پٹ ءُ پولکار، اے آئی انجینئر، اے آئی پروگرامر ءُ سافٹ ویئر ءِ ماہرین اے نوکیں رجحان ءَ بہ چار اَنت۔ آئی ءَ گوشت کہ اے آئی ءَ چہ پیسر ما آئی ٹی ءِ سر ءَ بڈو کنگ ءَ اتیں۔ ءُ ایشی ءَ چہ حل ءِ شوہاز ءَ اتنت بلے نوں اے آئی ءَ بازیں فائدہ ءُُ بازیں چیلنج آورتگ انت بلے چیلنج فائدہ ءَ چہ گیش انت۔ آئی ئَ گوشت کہ اے کانفرنس ٹیکنالوجی ئِ نوکیں راستی آناں سرپد بوھگ ئُُ چاگرد ئِ سر ئَ ایشی ءِ اثر ءَ سرپد بوھگ ئَ پائدگ مند بنت۔ آئی ءَ گوشت کہ مارا ھم اے آئی ءِ وسیلگ ءَ شاہ لطیف ءُ مرزا غالب ءَ سرپد بوھگی انت۔ انسٹی ٹیوٹ آف بزنس مینجمنٹ ءِ ریکٹر ڈاکٹر طارق رحیم سومرو ءَ گشتگ کہ اے آئی ءِ ناجائز کارمرز کنگ ءَ را محدود کنگ ءِ ھاتر ءَ گلوبل معاہدہ آنی حمایت کنگ بہ بیت ھاسیں رنگ ءَ یونیسکو یا یونائی اے آئی ءِ گامگیج آنی وسیلگ ءَ۔ ھمے رنگ ءَ آئی ءَ گوشت کہ اے آئی ءِ دیمروئی ءُُ کارمرد کنگ ءِ سر ءَ نگرانی ءِ واستہ اندری نگرانی ادارگ جوڑ کنگ بہ بنت۔ ایشانی ھوار ءَ اے آئی ءِ کارمرز کنگ ھما دمگاں ھوار کنگ بہ بیت کہ آھانی تہ ءَ سیاسی کمپین یا حساسیں رپورٹنگ ھوار اِنت۔ افتتاحی دیوان ءَ قائداعظم یونیورسٹی اسلام آباد ءِ سائنس ءُ ٹیکنالوجی ءِ ڈائریکٹر پروفیسر معظم علی خان خٹک ءُ آئی بی اے کراچی ءِ ڈاکٹر طارق محمود ءَ گشتانک دات ءُ کینیڈا ءِ زانتکار پروفیسر ڈاکٹر مارٹن مائر ءَ آن لائن گشتانک دات۔ ایشی ءَ چہ پیسر ڈاکٹر زاہد علی چنڑ ءَ وش آتکی گشتانک دات۔ اسسٹنٹ پروفیسر وفا منصور برو ءُ لیکچرر بختاور داؤد پوٹا ءَ کانفرنس ءِ کارروائی ءِ سروکی کت
