اسلام آباد۔ 21مئی (اے پی پی) اسپیکر قومی اسمبلی سردار ایاز صادق خضدار بلوچستان اٹی آرمی پبلک اسکول نا بس آ جلہو نا ترند انگا لوز آتیٹی مذمت ءِ کرسا اوٹی جونی نسخان تیا ڈکھیائی و است ہسونی نا درشانی ءِ کرینے۔ چارشنبے نادے آ تینا اسہ مذمتی بیان اسے ٹی اوشہید آتا خاہوت آتون ہڑزخواہی و ہمدردی نا درشانی ءِ کرے و پارے کہ مچ آ قوم ڈکھیائی و غم انا داساہت اٹی شہید مروک آ چناتا خاہوت تون سلوک ءُ۔ کودک چناتا بس آ جلہو بے کچ لغوری و شرمناک ءِ، ہرانا اخس کہ مذمت ءِ کننگے کم ءِ۔ کودک چناتیا جلہو کروک آ سفاک درندہ غاتا ہچ ءُ مذہب و انسانیت تون ہچ ءُ تعلق اس اف۔ دہشت گردی نا لغورانگا کارروائی تیٹی اوار زموار آتون سختی اٹ مون تننگک۔ دہشت گردی نا دا کارروائی نا ڈٹ جوڑ کروک وڈوہدار تے کانود نا مون آ اتنگک۔ اسپیکر قومی اسمبلی نا جلہو اٹی ٹھپی مروک آتا زوت دراخ جوڑی، شہید آتا درجہ غاتا بڑزی و پدسلوک آ خاہوت آتے دا بے بدل نسخان ءِ سگنگ کن صبر وجمیل نا دعاکرے۔
