اسلام آباد۔ 21مئی (اے پی پی) نائب وزیراعظم و وزیرخارجہ سینیٹر محمد اسحاق ڈار ، سی پی سی نا سیاسی بیورو نا باسک و السی جمہوریہ چین نا وزیرخارجہ وانگ یی و اوغانستان نا قائم مقام وزیرخارجہ امیر خان متقی چارشنبے نادے آ بیجنگ اٹی اسہ غیر رسمی سہ فریقی اوڑدہی اس کریر۔ دفترخارجہ نا رداٹ ہرمسٹ آ وزیرخارجہ غاک علاقائی سلامتی و اقتصادی رابطہ غاتے مون آ دننگ …
نائب وزیراعظم اسحاق ڈار، چینی وزیرخارجہ و اوغانستان نا قائم مقام وزیرخارجہ نا بیجنگ اٹی اوڑدہی، ڈیہہ اٹی سوگوی و شونداری ءِ مون آ دننگ نا عزم انا درشانی
گیشتریں ھال
اسلام آباد۔ 21مئی (اے پی پی) نائب وزیراعظم و وزیرخارجہ سینیٹر محمد اسحاق ڈار ، سی پی سی نا سیاسی بیورو نا باسک و السی جمہوریہ چین نا وزیرخارجہ وانگ یی و اوغانستان نا قائم مقام وزیرخارجہ امیر خان متقی چارشنبے نادے آ بیجنگ اٹی اسہ غیر رسمی سہ فریقی اوڑدہی اس کریر۔ دفترخارجہ نا رداٹ ہرمسٹ آ وزیرخارجہ غاک علاقائی سلامتی و اقتصادی رابطہ غاتے مون آ دننگ کن اسہ اہم پلیٹ فارم اسے نا وڑاٹ سہ فریقی کمکاری نا درشانی ءِ کریر۔ اوفک سفارتی اختہ ئی تے ودفنگ، مواصلات ءِ سوگو کننگ و اسیجائی شونہالی نا اہم محرک آتا وڑاٹ واپار، انفراسٹرکچر و شونداری ءِ مون آ دننگ کن عملی گام گیج آتیا گپ وتران کریر۔ اوفک بیلٹ اینڈ روڈ انیشی ایٹیو (بی آر آئی) کمکاری ءِ گہراکننگ و چین پاکستان اقتصادی راہداری (سی پیک) ءِ اوغانستان اسکان ودفنگ آ امنا کریر۔ ہرمسٹ آ راہشونک دہشت گردی نا مقابلہ ءِ کننگ و ڈیہہ اٹی سوگوی و شونداری ءِ مون آ دننگ کن تینا اسیجائی عزم آ زور شاغار۔ داہیت آامنا کننگاکہ سہ فریقی وزراء خارجہ نا 6 می دیوان ءِ زوت، تین پہ تینی وڑاٹ جوان ءُ تاریخ اسے آ کابل اٹی اڈ ہلیک۔
