اسلام آباد۔20مئی (اے پی پی): موسمیاتی بدلی ءُ چاگردی رابطہ کاری ءِ بنجاھی وزیر ڈاکٹر مصدق ملک ءَ راجی آفت ءِ گر ءُ دار ءِ چیئرمین لیفٹیننٹ جنرل انعم حیدر ملک ءَ گوں مزن تک ءِ گند ءُ نند ءَ برجم داشتگ ات کہ ایشی ءِ تہ ءَ آیوکیں مون سون ءِ سیلاب ءِ موسم ءِ درجہ حرارت ءُ درجہ حرارت ءِ ھاتر ءَ تیاری آنی سر ءَ چار ءُ تپاسی کنگ بوتگ۔ سئے شمبے ءِ روچ ءَ موسمیاتی بدلی ءِ وزارت ءِ نیمگ ءَ جاڑی بوتگیں بیان ءِ رد ءَ چیئرمین این ڈی ایم اے ءَ بنجاھی وزیر ءَ را درجہ حرارت ءِ استیں جاور ھال ءُ سیلاب ءِ ممکنہ پیش گوئی آنی بابت ءَ سرپد کتگ۔ آئی ءَ گوشت کہ اے سال ءَ نارمل ءَ چہ گیش درجہ حرارت ءِ گمان انت ءُ رودراتکی دمگ آنی تہ ءَ درجہ حرارت ءِ گیشی ءِ سبب ءَ گلیشیر آنی پگھل بوھگ ءِ ترندی ءِ ترس است انت ایشی ءَ چہ دریائے سندھ ءَ سیلاب ءِ سبب جوڑ بوت کنت۔ دیوان ءَ این ڈی ایم اے ءِ نیمگ ءَ کارمرد بوتگیں سئے درجہ ءِ زوتیں ھال ءِ نظام ءِ سر ءَ ھم تفصیل ءَ گپ ءُ تران کنگ بوتگ کہ ایشی ءِ تہ ءَ موسمیاتی پیش گوئی، مشاورتی ھال ءُ اھوال ءُ گڈی تصدیق ءِ آؤٹ لک ھوار اَنت۔ اے نظام ءَ چہ ھترہ آنی وھد ءِ سر ءَ پجارینگ ءُ موثر سیکورٹی گامگیج آنی منصوبگ بندی کنگ بیت۔ ایشی ءَ ابید موسمیات ءُ چاگردی ھما چیزانی سر ءَ ھم تکنیکی بریفنگ دیگ بوتگ کہ آ مون سون ءِ موسم ءَ را دیم پہ دیم ءَ تاوان دنت، ایشی ءِ تہ ءَ زمین ءُ دریا ءِ درجہ حرارت ءِ نیام ءَ فرق، دریا ءِ سر ءِ درجہ حرارت ءُ شمالی نیم کرہ ءَ ھئور ءِ شنگ ءُ تالان ھوار اَنت۔ دیوان ءَ ڈیٹا ءِ سرا مبنی پیش گوئی ءُ ادارگی ہم آہنگی ءِ سرا زور دیگ بوت۔ دیوان ءِ یک جتاھیں دیوان ءِ تہ بنجاہی تک ءَ آفت ءِ گر ءُ دار ءِ حکمت عملی ءِ سر ءَ گپ ءُ تران کنگ بوت۔ اے موہ ءِ سر ءَ بنجاھی وزیر ءَ گوشت کہ موسمیاتی موافقت اصل ءَ آفت ءِ گر ءُ دار اِنت۔ آئی ءَ یکجائی مالی کمک ءُ یکجائی منصوبگ آنی ضلورت ءِ سر ءَ زور پر دات۔ فریقین ءَ زیر التوا ءُ نا سرجمیں منصوبگ آنی سر ءَ ھم گپ ءُ تران کت ءُ جیڈھ آنی پجارینگ ءُ سرجمی ءِ واستہ یک موثریں چار ءُ بچار ءِ جوڑ کنگ ءِ سر ءَ تپاک کت۔ اے گپ ءِ ھم پیسلہ کنگ بوت کہ آیوکیں ھمگرنچیں دیوان برجم دارگ بیت ایشی ءِ تہ ءَ نیشنل ڈیزاسٹر مینجمنٹ اتھارٹی، ڈسٹرکٹ ڈیزاسٹر مینجمنٹ اتھارٹیز، پاکستان موسمیاتی محکمہ ءُ ایشی ءَ گوں سیادی داروکیں منصوبگ ءِ ھوالگ ءَ ادارگ بھر زوری کن اَنت تانکہ استیں منصوبگ آنی وھد ءِ سر ءَ سرجمی ءُ آیوکیں یکجائی منصوبگ آنی واستہ حکمت عملی جوڑ کنگ بہ بیت۔ بیان ءِ رد ءَ موسمیاتی بدلی ءُ چاگردی ھمگرنچی ءِ وزارت چاگردی چیلنج آنی رد ءَ شفاف، فعال ءُ ھمکاری ءِ منصوبگ بندی ءِ ھاترا جزم اِنت۔
