اسلام آباد۔20مئی (اے پی پی): پاکستان ءَ گولڈن ٹیمپل ءَ را نشانگ جوڑ کنگ ءِ کوشست ءِ بھارتی الزام ءَ را سدک رد کتگ ءُ گوشتگ کہ پاکستان سکھ مذہب ءِ بازیں مقدسیں جاھانی سربلندیں نگہبان اِنت۔ پاکستان ءَ ہر سال سرجمیں دگنیا ءَ چہ ہزاراں سکھ زائرین ءِ وش آتک کنگ بیت۔ بھارتی فوج ءِ مزنیں افسر ءِ اے گپ ءِ بابت ءَ کہ پاکستان ءَ 7 ءُ 8 مئی ءِ میانجی ءِ شپ ءَ ڈرون ءُ میزائل ءِ کمک ءَ گولڈن ٹیمپل ءَ را نشانگ جوڑ کنگ ءِ کوشست کتگ۔ ترجمان ءَ گوشت کہ ما اے الزام ءَ را سدک رد کن ایں کہ پاکستان ءَ گولڈن ٹیمپل ءَ را نشانگ جوڑ کنگ ءِ کوشست کتگ۔ ترجمان ءَ گشتگ کہ درحقیقت 6 ءُ 7 مئی ءِ شپ ءَ پاکستان ءِ جتا جتائیں عبادت جاہاں ہندوستان ءَ نشانگ جوڑ کتگ، ہندوستان ءِ نیمگ ءَ جتگیں الزام اے نا منّگ بوتگیں کارروائی ءَ چہ دلگوشی ءَ کشگ نہ بنت۔ ترجمان ءَ گشتگ کہ گولڈن ٹیمپل سکھ عقیدے ءِ احترام مندیں جاہ انت۔ آئی ءَ گوشت کہ پاکستان سکھ مذھب ءِ بازیں مقدسیں جاھ آنی فخر مندیں نگہبان اِنت، پاکستان ءَ ھمک سال سرجمیں دگنیا ءَ چہ ھزاراں سکھ زائرین آناں وش آتک کنت، پاکستان کرتار پور راہداری ءِ وسیلگ ءَ گردوارہ صاحب کرتار پور ءَ ویزہ فری ءِ آسراتی ھم دنت۔ ترجمان ءَ گوشت کہ اے درگت ءَ پاکستان ءِ گولڈن ٹیمپل ءَ را نشانگ جوڑ کنگ ءِ کوشست ءِ ھوالگ ءَ ھرچ وڑیں دعویٰ سرجم ءَ بے بن ءُ دروگ اِنت۔
