بیجنگ۔20مئی (اے پی پی): چین ءِ کمیونسٹ پارٹی ءِ میاں اوستمانی محکمہ ءِ وزیر لیو جیان چاؤ ءَ گوں نائب مزن وزیر ءُ درئی کارانی وزیر سینیٹر محمد اسحاق ڈار ءَ گند ءُ نند کت۔ درئی کارانی کارگس ءِ نیمگ ءَ جاڑی بوتگیں بیان ءِ رد ءَ نائب مزن وزیر ءَ پاکستان ءِ وت واجہی ءُ سرزمین ءِ یکوئی ءُ ایشی ءِ بُنکی نپ آنی جیڈھ آنی واستہ چین ءِ مھکمیں کمک ءَ را ساڑات۔ اے موہ ءِ سر ءَ لیو جیانچاؤ ءَ یک رندے پدا گوشت کہ چین پاکستان ءِ گوما وتی سیادی ءَ را یک ھر موسم ءِ اسٹریٹجک کوآپریٹو پارٹنر شپ ءُ آزمائشی دوست ءِ رنگ ءَ اولی ترجی ءَ برجاہ دار ایت۔ دوئیں راہشون آں پاکستان ءِ سیاسی گل ءُ سی پیک ءِ نیام ءَ سیادی ءَ را گیش گہتر کنگ ءِ سر ءَ ھم تپاک کتگ۔
