اسلام آباد۔ 20مئی (اے پی پی) پاکستان گولڈن ٹیمپل ءِ شست کننگ نا کوشست نا بھارتی دوبہ غاتے یکسر مسترد کرسا پارینے کہ پاکستان سکھ مذہب نا بھاز انگا مقدس ہند آتا گمر نا قابل محافظ ءِ، پاکستان ہرسال مچ آ دنیا غان ہزار آ سکھ یاتری تے بخیرکیک۔ بھارتی فوج انا اسہ سینئر آفیسر اسے نا دا ریمارکس آتا بابت پاکستان 7 و 8مئی نا نیامی ننن ڈرون و میزائل آتا کمک اٹ گولڈن ٹیمپل ءِ شست کننگ نا کوشست کرے۔ ترجمان پارے کہ نن دا دوبہ غاتے پیدوار وڑاٹ مسترد کینہ کہ پاکستان گولڈن ٹیمپل ءِ شست کننگ نا کوشست کرے ۔ ترجمان پارے کہ حقیقت اٹ دا بھارت ہی ئس ہرا6و7 مئی نا نیامی نن پاکستان اٹی چندی عبادت گاہ تے شست کرے، بھارت نا کنڈآن خلوک آ دوبہ غاک داناقابل قبول فعل آن چکار ءِ اسہ کنڈ کننگ کپسہ۔ ترجمان پارے کہ گولڈن ٹیمپل سکھ عقیدہ نا غٹ آن زیات قابل احترام ہند اسے۔ اوپارے کہ پاکستان سکھ مذہب نا بھاز انگا مقدس ہند آتا گمرنا قابل رکھوک ءِ، پاکستان ہرسال مچ آ دنیاغان ہزار آ سکھ یاتری تے بخیر اٹ پاہک، پاکستان کرتارپور کوریڈور نا کمک اٹ گوردوارہ صاحب کرتارپور اسکان ویزہ فری رسینگ ہم فراوان کیک۔ ترجمان پارے کہ دا پس منظر اٹ گولڈن ٹیمپل ءِ شست کننگ نا پاکستان نا کوشست نا بابت ہردعویٰ اسُل بے بنداو و غلط ءِ۔
