کراچی۔ 20مئی (اے پی پی) بنجائی وزیر قومی میرات و دودوربیدہ اورنگزیب کچھی پارینے کہ قائد اعظم محمد علی جناح نا بصیرت و سرکڑدہ ئی اینو ہم ننکن کسر نا ڈیواءِ، وزارت قومی میرات و دودوربیدہ ملک انا تاریخی ہند و قومی یات گار آتا رکھ و مون آ دننگ کن پبی گام گیج کننگ اٹی ءِ۔ داخیال آتا درشانی ءِ او سے شنبے نادے آقائد نا مزار آ حاضری و بانی پاکستان قائد اعظم محمد علی جناح ءِ خراج عقیدت پیش کرساکرے۔ داوخت آ او مزار آپھل آتا چادر اس شاغا ، دعاپاتیاکرے و قومی سیوت و سوگوی کن خصوصی دعاہم کرے۔ بنجائی وزیر تون اوار وزیر مملکت قومی میرات و دودوربیدہ حذیفہ رحمان، بنجائی سیکرٹری اسد الرحمان گیلانی و بینظیر انکم سپورٹ پروگرام نا چیئرپرسن روبینہ خالد ئسک ہم ساڑی ئسر۔ قائد نا مزار آ بننگ نا وخت آ بنجائی وزیر ءِ چاق و چوبند دستہ نا کنڈآن گارڈ آف آنر پیش کننگا۔ اوکان پد ڈل قائد نا مزار نا دنگ اٹ واقع قائد اعظم لائبریری نا دورہ ءِ کرے، ہراڑے اوفتے لائبریری ٹی ساڑی تاریخی کتاب ، عکس و نوادرات آتا بارواٹی سرجمی اٹ حوال تننگا۔ داوخت آ بنجائی وزیر اورنگزیب کچھی پارے کہ قائد اعظم محمد علی جناح نا بصیرت و سرکڑدہ ئی اینو ہم ننکن کسر نا ڈیواءِ۔
