کراچی۔19مئی (اے پی پی): مزن وزیر محمد شہباز شریف ءَ گوشت کہ توامیں جیڈھ آنی پرامنیں گیواری ءِ لوٹ آں، اگاں دژمن پدا اُرش کنت گڈا لائکیں پسو دیگ بیت، پاک بحریہ ءَ دمگ ءِ تہ ءَ طاقت ءِ توازن بدل کتگ، دیمپانی محاذ ءِ وڑ ءَ اقتصادی محاذ ءَ ھم راج آنی پرچم چست کنت۔ اے ھیالانی درشانی آئی ءَ پاک بحریہ ءِ ڈاک یارڈ ءِ تر ءُ تاب ءِ وھد ءَ پاک بحریہ ءِ افسر ءُ مردین آں گوں تران کنان ءَ کت۔ مزن وزیر ءَ گوشت کہ آرمی چیف جنرل سید عاصم منیر، چیف آف نیول سٹاف ایڈمرل نوید اشرف ، ایئر چیف مارشل ظہیر احمد بابر سدھو، پاکستان نیوی ءِ ورنا ءُ دلیریں سپاھیگ، ءُ اپسرگ آناں راج ءِ پسگ آں سلام پیش کت۔ اے جنگ ءَ سرجمیں پاکستانی راج چو آپ ءِ دیوال ءَ پاکستانی اُرد ءِ کش ءَ اوشتاتگ ءُ اوشتاتگ۔ اُرد، بالی ءُ زرئی فورسز یکجاہ انت۔ یکجاہ بوتگ، اِنت ءُ مانیت۔ ایشی ءِ برکت ءَ اللہ تعالیٰ ءَ پاکستان ءَ را انچیں شرپ داتگ کہ پہ دائمی زِریں آباں گوں نبشتہ بیت۔ ہمے وڑا کہ اُرد ءَ گوں الفتح میزائل ءُ دگہ جنگی سلاھاں دشمن ءِ پوزیشن نشانگ جوڑ کتگ انت، ہمے وڑا مئے فضائیہ ءَ ہم نوکیں پندلانی ذریعہ ءَ دشمن ءَ یک انچیں سبقے داتگ کہ دشمن ءَ دائمی یات بیت۔ ھمے رنگ ءَ مئے نیوی ءَ ھم ھمے تیاری بوتگ کہ آرمی ءُ فضائیہ ءَ بوتگ۔ آئی ءَ گوشت کہ ۱۹۶۵ ءَ شما دژمن ءَ سبق داتگ ات۔ اے رندی ھم تو تیار ات ئے بلے دژمن ءَ ھمت نہ بوت کہ مئے بحریہ ءِ تیاری ءَ بہ گندیت۔ ھما وڑ ءَ کہ آ چہ اُرد ءُ ھوائی اُرداں جتگ اَنت، بوت کنت کہ آ گیشتر جتگ ءُ گیشتر بے شرپ کنگ ءَ تیار نہ بوتگ اَنت۔ خدا ءِ الحمد کراچی پورٹ، پورٹ قاسم ءُ کراچی شہر ءُ دراہیں تجارتی دریائی ٹریفک ءَ را تاوان رسگ ءَ نہ بوتگ۔ اے راجدپتر ءِ تہ ءَ یک فخر مندیں واقعہ اِنت کہ ایشی ءَ گوست ءُ آیوکیں وھد ءَ پاکستان بے شکست کتگ۔ آئی ءَ گوشت کہ اے موہ ءِ سر ءَ من پی اینس مہران ءِ شھید لاننٹ یاسر ءَ را سلام پیش کن آں آئی ءَ دژمن ءِ دیم ءَ وتی سر ندر کت، بلے پاکستان ءِ عزت ءُ بحریہ ءِ اثاثہ آں آتش ءِ چیر ءَ نہ دات۔ اے دراہیں غازی ءُ شہید مئے سرجمیں راج ءِ پخر انت۔ ما شمارا غازی شہیداں ءُ آہانی کھول ءَ سلام پیش کنیں ۔ آئی ءَ گوشت کہ بھارت ءِ ناکام ءُ شکست مندیں نیول ایڈونچر ءَ یک رندے پدا اے گپ پدر کت کہ مئے بحریہ سرجمی ءَ تیار انت، بحریہ ءِ سلاہ نامینتگیں جاہ ءَ ایر کنگ بوتگ انت ءُ مئے بحریہ یک رندے پدا دوارکا ءِ یاتاں تازگ کنگ ءِ ھاترا تیار انت، بھارت ءِ نامداریں ایئر کرافٹ بیریئر وکرانت 400 ناٹیکل میل نزیک ءَ آیگ ءِ جرت نہ کتگ۔ بے دروریں دیمپانی گامگیج ءُ تئی بے مٹیں جزم ءَ سرجمیں راج ءَ را اے گپ ءِ سر ءَ دلجمی بوت کہ اگاں ہندوستان ءَ ھرچ پڑ ءَ بحری زوراکی ءِ ردی کت گڑا تو وتی ترند ءُ موثریں کارروائی ءَ گوں آئی ءَ را آیوکیں وھد ءِ واستہ سبقے دئے ئے ءُ آ پدا بے ھچ جیڑھ ءَ پاکستان ءِ نیمگ ءَ رھادگ بوھگ ءِ وس ءَ نہ کنت۔ مزن وزیر ءَ گوشت کہ شمئے اے سوبمندی پاکستانی اُرد آنی یکجاھیں گامگیج ءُ ھاسیں رنگ ءَ آرمی چیف جنرل سید عاصم منیر ءِ جوانیں ھمگرنچی ءِ سبب اِنت ایشی ءَ سرجمیں راج ءِ جزم ءُ دلیری ءَ را نوکیں توان داتگ۔ ما درست اللہ تعالیٰ ءِ دیم ءَ گوں عاجزی ءُ منت واری ءَ راج ءِ مزنیں بامرد، پاکستان ءِ بہادریں سپاھیگ آنی سوبمندی ءِ سر ءَ جھک ایں ءُ ما ابدمانیں منت وار مانیں۔ ھاسیں گپ ایش انت کہ اے چکاس ءِ وھد ءَ مئے بندر سرجم ءَ کار کنگ ءَ اتنت، کراچی ءُ بن قاسم ءَ تجارتی جہاز بے رکاوٹ ءَ آیگ ءُ روگ ءَ اتنت ءُ ھندوستان ءِ مغربی کش ءُ گوراں تجارتی کار ءُ کرد بند بوتگ اتنت۔ ہندوستان ءِ بحریہ کہ مئے بحریہ ءَ چہ پنچ رند ءَ مزن تر اِنت، اے سرجمیں جاوراں سرجم ءَ فالج ءِ دروشم ءَ گندگ بوت۔ رافیل ءِ جہازانی سرنوشت ءَ گندگ ءَ پد آہانی نام نہاد وکرانت مدن جنگ ءَ چہ شُت ءُ پدا واتر بوہگ ءِ نام ءَ ہم نہ گپت۔ اے رندی مئے شارکاں انڈین وہیل ءَ را ہلاس کتگ۔ آئی ئَ گوشت کہ گوستگیں 15سال آنی تہ ئَ پاک بحریہ ئَ چونیں رنگ ئَ جوانیں پیشرفت کتگ، من شُما درست آناں شرپ ئِ درشان کناں۔ نوبل چیف ایڈمرل نوید اشرف ءُ آئی ءِ سرجمیں ٹیم ءَ نوکیں ٹیکنالوجی ءُ میاں اوستمانی کمک ءِ کارمردی ءَ چہ پاک بحریہ ءِ کارکردگی ءَ را بے کساس گیش کتگ۔ مرچی مئے دژمن وت من ایت کہ پاک بحریہ ءَ خلیج فارس، بحیرہ عرب ءُ بحیرہ احمر ءِ تہا طاقت ءِ توازن بدل کتگ ءُ اے سرجمیں راج ءِ سوب مندی انت۔ آئی ءَ گوشت کہ ما یک امن دوستیں راجے ءُ وتی ھمک بلاھیں جیڈھ آناں امن دوستیں گیواری لوٹ اِیں بلے اگاں مئے سر ءَ جنگ مکل کنگ بہ بیت گڈا دژمن مدام مارا شوھاز کنت۔ مئے ارادہ جارحانہ نہ انت بلے ما وتی مھروانیں وطن ءِ ھر انچ ءِ رکھینگ ءِ رھبند ءَ سک شر زانیں۔ من سرجمیں راج ءِ نیمگ ءَ مئے بہادریں اُرد ءُ آرمی چیف جنرل سد عاصم منار، ایئر چیف مارشل ظہر بابر ءُ لیفٹیننٹ جنرل نوید اشرف ءُ ھما افسر ءُ سپاھیگ آنی منت ءَ گِراں کہ آیاں پاکستان ءِ زمینی، ھوائی ءُ دریائی سیمسر ءُ بندرگاہ آنی رکھینگ ءُ دژمن ءِ بدیں ارادہ ءِ سرا زھر شانی کتگ۔ آئی ءَ گوشت کہ توامیں برات ءُ دوستیں ملک آنی شگر ءُ منت وار آں کہ آھاں اے گرانیں وھد ءَ نہ ایوک ءَ مئے کمک کتگ، بلکینگ ءَ مئے حوصلہ ھم برز کتگ ءُ پاکستان ءِ موقف ءِ سرجمی ءَ کمک کتگ۔ اگاں پاکستان پہلگام ءِ غمناکیں وئیل ءِ میان استمانی تک ءَ شفافیں پٹ ءُ پول کنگ لوٹیت گڑا ہندوستان ءِ ایشی ءِ سرا اعتراض است انت۔ من یک رندے پدا وتی پر مڈائیں برات، ترکی ءِ صدر رجب طیب اردوان، منی سکیں شریں برات، ترک صدر طیب اردوان ، جوانیں برات سعودی ولی عہد شہزادہ محمد بن سلمان، صدر یو اے ای محمد بن زید ءُ گتر ءِ امیر، آذربائیجان ءِ صدر ءُ وتی جوانیں دوست چین ءِ شگر ءُ منت واری گپت۔ آئی ءَ گوشت کہ چین مئے جوانیں سنگت اِنت آئی ءَ ھمک ھرابیں ساھت ءَ پاکستان ءِ کمک کتگ، مئے 77سال ءِ راجدپتر ءَ ایشی ءِ گواہی داتگ۔ چین مرچی پاکستان ءِ گوما اوشتاتگ ءُ باندا ھم ہمے رنگ ءَ کنت۔ مزن وزیر ئَ گوشت کہ جنگ ئِ اے سُچوکیں آس ئَ را ھلاس کنگ ئَ من امریکی صدر ڈونلڈ ٹرمپ ئِ شگر ئُُ منت وار آں۔ آئی ءَ وھد ءِ سر ءَ سرپد بوت کہ دوئیں ملک غیر جانبدار اَنت، صدر ٹرمپ امن دوستیں مردمے ءُ امن ءِ ھاتر ءَ آئی ءُ آئی ءِ ٹیم ءَ اے کار ءِ سر ءَ گوں مخلصی ءَ کار کتگ۔ ءُ جنگ بندی ءِ تہا کلدانی کرد پیلو کنگ بوت۔ آئی ءَ یک شریں ءُ وفاداریں سنگتے ءِ کرد پیلو کتگ۔ آئی ءَ گوشت کہ کشمیر ءَ ۔ من ھم اے درگت ءَ وتی مخلصیں کرد ءَ پیلو کنگ لوٹاں۔ آئی ءَ گوشت کہ اے ھما کسہ اِنت کہ اللہ تعالیٰ ءِ فضل ءُ کرم ءَ چہ تئی بہادری ءِ سبب ءَ ترا پدا دگنیا ءِ مستریں اگدہ ءَ سر کتگ۔ اے موہ ءِ سر ءَ مزن وزیر ءِ گوما وزیر دیمپان خواجہ محمد آصف، منصوبگ بندی ءِ وزیر احسن اقبال، اھوالکاری ءُ شنگ کاری ءِ وزیر عطا اللہ تارڑ، وفاقی وزیر وانگ ءُ زانگ ڈاکٹر خالد مقبول صدیق ھم مزن وزیر ءِ گوما ساڑی اَت۔
