اسلام آباد۔19مئی (اے پی پی): پاکستان ءِ چیف جسٹس جسٹس یحییٰ آفریدی ءَ عدلیہ ءِ نیمگ ءَ گہتری کار آنی مرکز ءَ قانونی کارروائی ءِ دارگ ءِ سر ءَ زور پر داتگ ءُ گوشت کہ وھد ءِ سر ءَ ءُ موثر انصاف اخلاقی ذمہ واری اِنت۔ محکمہ پبلک ریلیشنز ءَ سپریم کورٹ ءِ نیمگ ءَ جاڑی بوتگیں بیان ءِ رد ءَ پاکستان ءِ چیف جسٹس جسٹس آفریدی ءَ اے ھیالانی درشانی کتگ۔ پاکستان ءِ آمید گس ءَ چارمی انٹرایکٹو سیشن دیوان ءِ سروکی کت۔ سیشن ءَ سپریم کورٹ ءِ مزنیں کارندہ، اسٹیک ہولڈر ءُ افسر آنی گوما عدالتی اصلاحات ءِ ھوالگ ءَ پیشرفت ءِ سر ءَ چار ءُ تپاسی کنگ بوت کہ ایشی ءِ مول ءُ مراد سروس ڈیلیوری ءَ را گہتر کنگ ءُ انصاف ءِ رسائی ءَ را گیش کنگ اِنت۔ اے مراگش ءَ سپریم کورٹ ءِ رجسٹرار محمد سلیم خان، پیرس ءَ چہ آن لائن ڈویلپمنٹ کلانہ شیر شاہ، ہمایوں ظفر آئی ٹی ایکسپرٹ، فیڈرل جوڈیشل اکیڈمی ءِ ڈائریکٹر جنرل حیات علی شاہ ءُ سیکرٹری لاء اینڈ جسٹس کمیشن آف پاکستان (ایل جے سی پی) سیدہ تنزیلہ صباحت ءُ سیکشن ءِ سروک آں بھر زوری کت۔ اے موہ ءِ سر ءَ چیف جسٹس آفریدی ءَ اصلاحات آناں دیم ءَ برگ ءِ تہ ءَ سپریم کورٹ ءِ افسر ءُ سٹیک ہولڈر آنی یکجائی کوشست آناں ساڑات۔ آئی ءَ ای فائلنگ سسٹم ءِ سوبمندیں رنگ ءَ عمل درآمد ءِ پُشت ءَ ٹیم آنی لگن ءِ توسیپ کت کہ ایشی ءَ چہ سرجمیں ملک ءَ کیس مینجمنٹ ءِ کارکردگی ءَ را مزنیں کساسے ءَ گہتری اتکگ۔ سپریم کورٹ ءِ آئی ٹی ڈائریکٹوریٹ ءَ نوکیں دیمروئی آنی بابت ءَ ھم اپ ڈیٹ داتگ کہ ایشی ءِ تہ ءَ ریئل ٹائم کیس ٹریکنگ ءُ پبلک پورٹل ھوار اَنت کہ ایشی ءِ مول ءُ مراد شفافیت ءُ رسائی ءَ را گیش کنگ اِنت۔ اے نوکیں چیز عدالتی عمل آناں نوک کنگ ءُ راج ءِ لوٹ آنی گوما یکجا کنگ ءِ یک مشترکہ عزم ءِ درشان کن اَنت۔ چیف جسٹس ءَ اے گپ ءِ پدا زور دات کہ عدالتی عمل ءِ ڈیجیٹلائزیشن ءُ رھبند ءِ رد ءَ جوڑ کنگ ءَ ھوار جاری گامگیج نہ ایوک ءَ کیس آنی بیک لاگ ءَ را کم کنگ ءِ واستہ جوڑ کنگ بوتگ بلکیں موثر احتساب ءِ وسیلگ ءَ الس ءِ اعتماد ءَ را برجم دارگ ءِ ھاترا ھم جوڑ کنگ بوتگ۔ سیشن ءِ آسر ءَ چیف جسٹس یایل آفریدی ءَ عدلیہ ءِ جدت ، شمولیت ءُ کمک ءَ را اولیت دیگ ءِ عزم ءِ تصدیق کتگ۔ آئی ءَ عدالتی افسر، تکنیکی ماہرین ءُ جج آنی پینل ءَ ھوار درستیں بھر زوروک آنی کمک ءِ ستا کرتگ۔
