اسلام آباد۔19مئی (اے پی پی): مزن وزیر محمد شہباز شریف ءَ بھارت ءِ سروکی ءَ ناشرکاریں گل بلوچستان لبریشن فرنٹ ءِ 3 ناشرکارانی کوش ءُ بلوچستان ءِ ضلع کچ ءُ آواران ءَ 2 ٹپی ءُ دزگیر کنگ ءِ پد ءَ سیکورٹی فورسز ءَ را شگر ءُ منت گپت۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں پریس ریلیز ءِ رد ءَ مزن وزیر ءَ سیکورٹی فورسز ءِ پیشہ وارانہ مہارت ءُ بھارتی ایجنڈا ءِ حلاف ءَ وھد ءِ سر ءَ گامگیج سازی ءِ ساھت ءَ گوشت کہ بلوچستان ءَ ناشرکاری ءِ وسیلگ ءَ بے گناہ ءُ بے دیمپانیں شہری آنی جان ءُ مال ءَ را ھترناک کنگ ءِ بھارتی سازش ءِ سرا کار کنگ بوتگ۔ مزن وزیر ءَ گوشت کہ ما پاکستان ءَ امن ءُ ایمنی ءَ را تاوان دیگ ءِ واستہ بھارت ءِ نا شریں ارادہ آناں ھلاس کن ایں ۔ سرکار ءُ سیکورٹی فورسز ملک ءَ چہ ناشرکاری ءَ سرجمی ءَ ھلاس کنگ ءِ ھاترا جزم اَنت۔
