اسلام آباد۔19مئی (اے پی پی): صدر آصف علی زرداری ءَ بلوچستان ءَ دو جتا جتائیں آپریشن ءِ تہ ءَ سئے ناشرکارانی کوش ءِ پد ءَ سیکورٹی فورسز ءَ را شگر ءُ منت درشان کتگ۔ صدر ءِ مملکت ءَ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ انٹیلی جنس ءِ بنیاد ءَ آپریشن ءِ ساھت ءَ سئے ھندی پراکسی ناشرکار ھلاس کنگ ءِ واستہ سیکورٹی فورسز ءِ بہادری ءِ توسیپ کتگ ءُ گوشت کہ سیکورٹی فورسز ءِ آپریشن داں ناشرکار آنی سرجمیں ھلاسی ءَ برجاہ مان اَنت۔ آئی ءَ گوشت کہ اے گپ وشی ءِ گپ انت کہ پاکستان ءِ سیکورٹی فورسز ناشرکاری ءِ ھلاسی ءِ واستہ جدت ءِ گامگیج زورگ ءَ انت۔ ناشرکاریں عناصر ءِ ھلاسی ءُ ملک ءِ دیمپان ءِ مئے جزم برجم مانیت۔ صدر ءَ ناشرکاری ءِ سرجمی ءَ ھلاس کنگ ءِ راجی جزم ءِ ھم درشان کتگ۔
