اسلام آباد۔ 19مئی (اے پی پی) بنجائی وزیر داخلہ محسن نقوی وزیر مملکت داخلہ طلال چوہدری تون اوار دوشنبے نا سہب انا وختی جناح اسکوائر مری روڈ انڈر پاس پروجیکٹ نا دورہ ءِ کرے ہراڑے او تعمیراتی کاریم آ پیش رفت نا جاچ ءِ ہلک۔ وزیرداخلہ محسن نقوی تعمیراتی سرجز آتے تخوک آ مد اٹی پورو کننگ نا پارت کرسا پارے کہ ڈٹ انا غٹ بشخ آتیا اسہ وخت دے و نن و ہفتہ نا ہفت دے کاریم ءِ برجاتخنگے۔ انڈرپاس نا تفنگ آن بالی پٹ آن مری و کشمیر اسکان سگنل فری کوریڈور نا آسراتی ملک۔ شاری تا وخت اتون ایندھن نا ہم بچت مریک۔ چیئرمین سی ڈی اے محمد علی رندھاوا پروجیکٹ آ مروک آ پیش رفت نا بارواٹی حوال ترساپارے کہ تعمیراتی سرجزآک پوروی نا ریسہ غاتیٹی ءُ۔ جناح اسکوائر مری روڈ انڈرپاس ڈٹ انا چھت انا کاریم ءِ پورو کننگانے، انڈرپاس ہارٹیکلچرتون اوار الیکٹریکل ورک انا بناءِ ہم کننگانے، ڈٹ انا ڈرینج سسٹم، روڈ ورک اتون اسفالٹ نا کاریم ہم ترندی اٹ برجاءِ۔
