اسلام آباد۔18مئی (اے پی پی): پاکستان ءِ سلاہ بندیں اُرد ءَ را راستی ءِ جنگ ءِ تہ ءَ راجدپتری سوبمندی ءِ شکر گزار ءِ روچ ءِ موہ ءَ شگر ءُ منت درشان کنگ ءِ واستہ اسلام آباد چیمبر آف کامرس اینڈ انڈسٹری ءِ پیسریگیں صدر ءُ نامداریں کاروباری مردم ڈاکٹر شاہد راشد بٹ ءَ وتی پاکستان بزنس نیٹ ورک ءِ صدر ءَ یک مراگشے برجم داشتگ۔ مراگش ءَ حق ءِ جنگ ءَ پاکستان ءِ سلاھ بندیں اُرد ءِ راجدپتری سوب مندی ءِ پد ءَ شگر ءُ منت پیش کنگ بوتگ ءُ شھید آناں شگر ءُ منت پیش کنگ بوتگ۔ اے موہ ءِ سر ءَ ھاسیں رنگ ءَ تیار کتگیں کیک ءِ کٹگ بوتگ۔ اے ھاسیں مراگش ءَ جناح سپر مارکیٹ ءِ صدر اسد عزیز ءُ سپر مارکیٹ ایف شش ءِ صدر شہزاد عباسی، پیسریگیں وفاقی وزیر ڈاکٹر جی جی جمال، نیشنل پریس کلب ءِ صدر اظہر جتوئی، جسٹس (ریٹائرڈ) مدصر خالد عباسی، مزنیں اھوالکار ملک منظور نظیر احمد، قریشی، حمزہ رحمان، اسلام آباد چیمبر ءِ پیسریگیں صدر بصیر داد، سلمان دار، عثمان خان بن راشد، حسبی احمد ءُ پرویز عباسی۔ اے موہ ءِ سر ءَ میزبان ڈاکٹر شاہد راشد بٹ، عمر شاہد بٹ، ڈاکٹر جی جی جمال، جمیل عباسی، مدسر خالد عباسی ءُ اے دگہ گشتانک دیوکاں گوں تران کنان ءَ گوشت کہ مئے بہادریں سلاہ بندیں اُرداں پاکستان ءِ دفاع ناقابل شکست کتگ۔ پاکستان ءَ ھندی زوراکی ءِ ناکام کنگ ءَ چہ دمگ ءِ تہ ءَ مزنیں دفاعی قوت ءِ بستار ءَ ابھر بوتگ۔ گشتانک دیوکاں گوشت کہ آرمی چیف جنرل سید عاصم منیر ءَ جوانیں جنگی حکمت عملی جوڑ کتگ، ءُ پاکستان ءِ اے مزنیں سوبمندی ءِ سبب ءَ پاکستان ءِ نام دُگنیا ءَ نامدار بوتگ۔ گشتانک دیوکاں گشتگ کہ پاکستان ءِ دفاع مہکمیں دستاں انت ءُ پاک فوج ءَ دژمن ءِ تکبر کچک کچکگ انت۔ گشتانک دیوکاں گوشت کہ پاک فضائیہ ءَ لھتیں کلاک ءِ تہ ءَ دژمن ءِ اُرد ھلاس کتگ۔ اگاں ہندوستان پدا اُرش کنگ ءِ کوشست بہ کنت گڈا گیشتر مھکمیں پسو دیگ بیت۔ آئی ءَ گوشت کہ پاکستان ءِ فوجی ءُ سیاسی سروکی ءَ مزنیں برداشت ءِ درشان کتگ، یکوئی وھد ءِ لوٹ اِنت، ءُ پاکستان ءَ سفارتی پڑ ءَ ھم مزنیں سوبمندی یے رستگ۔ مراگش ءِ سرجمیں بھر زوروکاں ڈاکٹر شاہد راشد بٹ ءُ عمر شاہد بٹ ءِ ھاسیں منت واری درشان کت۔ اے یک بے دروریں مراگشے ات کہ ایشی ءِ تہا چہ درستیں مکتب فکراں مردماں بہر زرتگ ات۔
