لاہور۔18مئی (اے پی پی): وفاقی وزیر ءِ اھوالکاری عطا اللہ تارڑ ءَ یک شمبے ءِ روچ ءَ این اے 127 ءِ حلقہ ءَ مزنیں ءُ جوشناکیں ریلی ءِ سروکی ءَ راستیں جہد آپریشن بنیان مرسوس ءِ سوبمندی ءِ سرا منت واری ءِ درشانی کت۔ ریلی الجنات شادی ہال چوک ءَ چہ بندات بوتگ ءُ کالج روڈ ءِ راہ ءَ چہ اکبر چوک ءَ آسر بوتگ۔ ریلی ءِ تہا وفاقی وزیر ءِ اطلاعات ءُ شنگکاری عطا اللہ تارڑ ءِ مات ساجدہ فاروق تارڑ، صوبائی اسمبلی ءِ باسک بی بی وادیری ءُ عمران جاوید ءِ ہمراہی ءَ پاکستان مسلم لیگ ءِ مزنیں کساسے ءَ بنجاہی رہشون، کارکن ءُ شہری آں بہر زرتگ ات۔ پیادگیں مردم، درستاں وتی دستاں راجی بیرک ءُ پارٹی ءِ بیرک زرتگ اتنت، وھدے کہ ھوا ءَ اللہ اکبر، پاک فوج زند آباد، پاکستان پینڈہ باد ءِ وڑیں بالادیں نعرہ ءُ راجی گانا گونجگ ءَ اتنت۔ اے موہ ءِ سر ءَ وفاقی وزیر ءِ اھوالکاری عطا اللہ تارڑ ءُ آئی ءِ مات ساجدہ فاروق تارڑ ءَ وتی دستاں مدام لہڑ کنان ءَ راجی روح ءَ را وش اتک کت۔ جلسہ ءِ گڈسرا وفاقی وزیر ءِ اطلاعات ءَ درستیں بہر زوروکیں مردمانی منت گپت ءُ گشتگ کہ اے جلسہ حلقہ ءِ الس ءِ مہر، بھروسہ، ءُ راجی یکوئی ءِ درشان انت کہ ہچبر شموشگ نہ بیت۔ آئی ءَ گوشت کہ مسلم لیگ ن راجی ھزمت ءِ وتی سفر ءَ برجاہ دارگ ءَ اِنت، ءُ منت واری ءِ جلسہ راجی جوش ءُ جزبگ، راجی یکوئی ءُ جمہوری شعور ءِ یک چمکداریں مثال ءِ رنگ ءَ آسر بوت۔
