اسلام آباد۔18مئی (اے پی پی): چین ءِ دری کارانی وزیر وانگ یی ءِ دعوت ءِ پد ءَ 19 ءَ بگر داں 21 مئی ءَ نائب مزن وزیر ءُ درئی کارانی وزیر سینیٹر محمد اسحاق ڈار بیجنگ ءِ سرکاری تر ءُ تاب ءَ کنت۔ یک شمبے ءِ روچ ءَ دری کارانی کارگس ءِ جارکش ءِ نیمگ ءَ جاڑی بوتگیں بیان ءِ رد ءَ تر ءُ تاب ءِ ساھت ءَ درئی کارانی وزیر اسحاق ڈار ءَ گوں چین ءِ دری کارانی وزیر وانگ یی ءَ جنوبی ایشیا ءِ تہ ءَ پیداکیں دمگی جاور ھال ءُ ایشی ءِ امن ءُ ایمنی ءِ سر ءَ آسر آنی سر ءَ سرجمیں رنگ ءَ گپ ءُ تران کنت۔ دوئیں نیمگ ءَ پاکستان ءُ چین ءِ دو نیمگی سیادی آنی توامیں تک ءُ پھنات آنی سر ءَ ھم چار ءُ تپاسی کنگ بیت ءُ وت مہ وتی دلبڈی ءِ دمگی ءُ جھان ءِ دیمروئی آنی سر ءَ گپ ءُ تران کنگ بیت۔ اے تر ءُ تاب پاکستان ءُ چین ءِ نیام ءَ جاری مزن تک ءِ تبادلہ ءِ بہر انت۔ اے ھم دوئیں ملکانی یکجائی عزم ءِ نشانی اِنت کہ آ ھر موسم ءِ اسٹریٹجک کوآپریٹو پارٹنر شپ ءَ گیش مھکم بہ کن اَنت۔
