لاہور۔18مئی (اے پی پی): مسلم لیگ (ن) ءِ سینئر رہشون ءُ نامداریں چاگردی ءُ سیاسی مردم ساجیدہ فاروق تارڑ ءَ گشتگ ہندوستان ءُ پاکستان ءِ جنگ ءَ پاکستانی فوج ءَ ہندوستان ءِ فوج ءَ را جوانیں حکمت عملی ءِ گوما زانو ءِ سرا مجبور کتگ۔ سرجمیں دگنیا ءَ ھندوستان ءِ ھلاپ ءَ جنگ ءَ سوبمند بوھگ ءَ پد پاکستانی اُرد ءِ مورال بُرز کنگ بوتگ ۔ ہندوستان ءُ پاکستان ءِ جنگ ءَ مزن وزیر محمد شہباز شریف ، جنرل ءُ پاکستانی فوج ءِ جوانیں کارکردگی راجدپتر ءَ زرین آباں گوں نبشتہ کنگ بیت۔ آئی ءَ اے ھیالانی درشانی یک شمبے ءِ روچ ءَ لاہور ءِ این اے 127 حلقہ ءَ برجم داشتگیں شکر گزار ءِ روچ ءِ مراگش ءِ ساھت ءَ میڈیا ءَ گوں تران کنان ءَ کت۔ اے موہ ءِ سر ءَ دمگی رھشونی، پارٹی کارکن ءُ شہری مزنیں کساسے ءَ ساڑی بوتگ اَنت۔ ساجدہ فاروق تارڑ ءَ گوشت کہ شکر گِنگ ءِ روچ ءِ دارگ ءِ مول ءُ مراد اللہ تعالیٰ ءِ شگر ءُ منت ءِ درشان کنگ ءُ پاکستانی سلاہ بندیں اُرد ءِ قربانی آناں شرپ مند کنگ انت۔ پاکستان ءِ سلاہ بندیں اُرداں نہ ایوک ءَ مھروانیں وطن ءِ سیمسراں گوں زبردستی ءَ دفاع کتگ بلکیں دژمن ءَ را اے ھم ھاسیں پیغام داتگ کہ پاکستان ھرچ وڑیں زوراکی ءِ لائکیں پسو دیگ ءِ سرجمیں توان ءَ دار اِیت۔ آئی ءَ گوشت کہ ھندوستان ءِ آشوب ءِ مول ءُ مراد دمگ ءِ امن ءِ ھراب کنگ بوتگ بلے پاکستانی اُرد ءَ گوں وتی دلیری ءُ حکمت عملی ءَ دژمن ءِ سرجمیں مراد ھلاس کتگ اَنت۔ ساجدہ فاروق تارڑ ءَ گوشت کہ اے گرانیں وھد ءَ سرجمیں راج وتی قوت ءِ کش ءَ اوشتاتگ ءُ ھمک پاکستانی وتی فوجی، افسر ءُ کمانڈر ءِ سر ءَ پھر ءِ مارشت ءَ دار ایت۔ آئی ءَ اے گپ ءِ سر ءَ ھم زور پر دات کہ راجی یکوئی ءُ یکوئی وھد ءِ مستریں لوٹ اِنت، سیاسی سیادی ءَ چہ ابید مارا وتی قوت آنی گوما سرجمیں یکوئی ءِ درشان کنگ لوٹ ایت۔ آئی ءَ بھارت ءِ گوما برجاھیں کش ءُ چیل ءِ وھد ءَ وفاقی وزیر ءِ اھوالکاری عطا اللہ تارڑ ءِ کرد ءَ را ھم داد دات ءُ گوشت کہ آئی ءَ میڈیا ءَ را سکیں زانتکاریں رنگ ءَ جوانیں رنگ ءَ کارمرد کتگ ءُ الس ءَ را وھد ءُ پاس ءِ سر ءَ راستیں ھال ءُ اھوال داتگ، ایشی ءَ چہ راجی بیانیہ ءَ را مھکم کتگ۔ گڈسرا آئی ءَ اے جزم ءِ پدا زور دات کہ مسلم لیگ ن مھروانیں وطن ءِ دفاع، ایمنی ءُ برجائی ءِ ھاترا ھرچ پڑ ءَ پاکستانی اُرد آنی ھمراھی ءَ اوشتاتگ ءُ سرجمیں راج یکجاھ اِنت کہ ھرچ وڑیں زوراکی ءُ سازش ءِ لائکیں پسو ءَ بہ دنت۔ آئی ءَ گوشت کہ پاکستان ءِ سلاھ بندیں اُرد ءَ یک رندے پدا ھندی زوراکی ءِ لائکیں پسو ءِ دات کنان ءَ ملک ءِ گوما وتی پیشہ وارانہ ، دلیری ءُ ملک ءِ گوما وفاداری ءِ درشان کتگ۔ دژمن ہر محاذ ءَ شکساتگ ات ءُ پاکستان ءِ موثر، ترند ءُ فیصلہ کنوکیں پسو ءَ ہندوستان ءَ را وتی زانت ءِ سرا مجبور کتگ ات۔
