لاہور۔18مئی (اے پی پی): وفاقی تہی کارانی وزیر محسن نقوی ءَ گجرانوالہ ءَ مرکز مصطفی ءِ تر ءُ تاب کتگ ءُ مرکز ءِ جتا جتائیں بہر آنی چار ءُ تپاسی کتگ۔ وزیر داخلہ محسن نقوی ءَ مرکاز مصطفائی ءِ سرپرست مولانا محمد رضا ثاقب مصطفیٰ ءَ گوں گند ءُ نند کت۔ آئی ءَ اسلام ءِ دین ءِ ھذمت ءِ تہ ءَ مرکاز مصطفیٰ ءِ مثالی کرد ساڑات ءُ مرکز ءِ نودربر آنی جوانیں کرد ساڑات۔ آئی ءَ گوشت کہ کش ءُ گوری جاور ھال آنی تہ ءَ پاکستانی راج یک زور ءِ رنگ ءَ سہرا بوتگ۔ پاکستانی راج ءَ زور آوریں دُژمن آہنی یکجائی ءَ گوں پروش دات۔ مزنیں سوبمندی ءِ ھاترا اللہ تعالیٰ ءِ شکر ءَ کنیں۔ آئی ءَ گوشت کہ الفتح میزائل آنی تہ ءَ دژمن ءِ تہ ءَ ترس ءُ بیم ءِ آماچ بوتگ ءُ نام نہاد طاقت ءِ تہ ءَ ٹکر ٹکر بوتگ۔ وزیر داخلہ ءَ اے گپ پدر کت کہ سرجمیں راج سلاہ بندیں اُرد ءِ کش ءَ اوشتاتگ ءُ نوں ھرچ دژمنے مہم جوئی ءِ کوشست کنگ ءَ پیسر سد رند ءَ جیڑ ایت۔ مولانا محمد رضا ثاقب مصطفیٰ ءَ گوشت کہ پاکستانی راج ءَ را یک کچلگ ءِ پسو لوٹ اِتگ، کہ مئے بہادریں سلاہ بندیں اُرد ءَ داتگ۔ قوم ءَ مثالی ہمت ءُ بے باکی ءِ درشانی کت ءُ اللہ تعالیٰ ءِ کمک ہمیش ات۔ ایشی ءَ پد مصطفیٰ سنٹر ءِ سرپرست مولانا محمد رضا ثاقب مصطفیٰ ءَ ملک ءِ یکوئی، مھکمی، دیمروئی ءُ وشھالی ءِ واستہ ھاسیں دعا کت۔
