اسلام آباد۔18مئی (اے پی پی): تہران ءَ اسلامی کمک ءِ گل ءِ چیر دستی ءَ جوڑ بوتگیں او آئی سی 15 ءِ گپ ءُ تران پلیٹ فارم ءِ دومی وزارتی دیوان بندات بوتگ کہ ایشی ءِ تہ ءَ اسلامی دگنیا ءَ سائنس، ٹیکنالوجی ءُ مزنیں وانگ ءُ زانگ ءِ پڑ آنی دیمروئی ءِ سر ءَ مھکمیں دلگوشی دیگ بیت۔ میڈیا کوآرڈینیٹر کمسٹیک ءِ نیمگ ءَ چہ جاڑی بوتگیں بیان ءِ رد ءَ ’’مصنوعی ذہانت ءِ وسیلگ ءَ سائنس ءُ ٹیکنالوجی ءِ تہ ءَ نوآبادیاتی: فرق ءِ حکمت عملی، اسلامی دنیا ءِ واستہ یک رژنائیں آیوکیں وھد‘‘ ءِ سرھال ءِ سر ءَ سئے روچی دیوان ءِ مول ءُ مراد مسلمانیں ملک آنی دیم ءَ اوشتاتگیں سائنس ءُ دیمروئی چیلنج آنی یکجائی گیواری ءُ یکجاھی کمک ءِ دیمروئی کنگ اِنت۔ اے دیوان ءِ تہ ءَ او آئی سی ءِ باسکیں ملک آنی سائنس ءِ وزیر، مزن تک ءِ نمائندگ ءُ ٹیکنالوجی ءِ کارندہ بھر زوری کنگ ءَ اَنت۔ دیوان ءِ ساھت ءَ اسلامی دگنیا ءِ واستہ مصنوعی ذہانت ءِ ھوالگ ءَ اولی کثیر جہتی معاہدہ ءِ منظوری ءِ گمان اِنت کہ ایشی ءَ را نوکیں ٹیکنالوجی آنی تہ ءَ یکجائی پالیسی سازی ءِ نیمگ ءَ یک ھاسیں گامگیج ءِ رنگ ءَ چارگ بوھگ ءَ اِنت۔ وزارتی دیوان ءَ چہ پیسر مزنیں کارندہ آنی دیوان (دو) دیوان ءِ سروکی ءَ او آئی سی کامسٹک ءِ کوآرڈینیٹر جنرل پروفیسر ڈاکٹر محمد اقبال چودھری ءُ ایران ءِ نائب وزیر سائنس پروفیسر فرہاد یزدان دوست ءَ کتگ۔ گند ءُ نند ءَ برونائی دارالسلام، پاکستان، انڈونیشیا، سعودی عرب، ترکی، ملائیشیا، قازقستان، ایران ءُ او آئی سی ءِ سیکرٹریٹ ءِ نمائندگاں بہر زرتگ۔ دیوان ءَ کوآرڈینیٹر جنرل کامسٹیک پروفیسر ڈاکٹر اقبال چوہدری ءِ سروکی ءَ او آئی سی کامسٹک ءِ مزنیں تک ءِ ڈل ءِ بھر زوری کنگ ءَ اِنت کہ دیوان ءِ برجم دارگ ءَ ھم اے ڈل ءِ کرد پیلو کنگ ءَ اِنت۔ زانگ بہ بیت کہ او آئی سی 15 پلیٹ فارم ءِ سیکرٹریٹ کامسٹیک ءِ سپرد کنگ بوتگ کہ آ او آئی سی ءِ باسکیں ملک آنی نیام ءَ سائنسی کمک ءُ دیمروئی ءِ دیمروئی ءِ تہ ءَ کلیدی کرد پیلو کنگ ءَ اِنت۔ دیوان ءِ ساھت ءَ باسکیں ملک آنی نیام ءَ دو نیمگی گند ءُ نند ھم کنگ بیت وھدیکہ اسلامی ملک آنی سائنسی، پٹ ءُ پولی ءُ ٹیکنالوجی ءِ پڑ ءَ سوبمندی ءُ نوکیں چیز آناں پیش کنگ ءِ ھاترا ھاسیں نمائش ءِ ھم برجم دارگ بوتگ۔ سئے روچی دیوان ءَ اولی وزارتی دیوان ءِ پیسلہ آنی سر ءَ چار ءُ تپاسی کنگ بیت کہ الماتی (کازقستان) ءَ برجم دارگ بیت ءُ آیوکیں دیوان ءِ روچ ءُ جاہ ھم ٹھینگ بیت۔ او آئی سی 15 ڈائیلاگ پلیٹ فارم 2016 ءَ قازقستان ءِ تجویز ءِ سر ءَ بندات کنگ بوتگ ات کہ ایشی ءَ پد او آئی سی ءِ دری کارانی وزیر آنی کانفرنس آنی تہ ءَ باقاعدہ منظوری دیگ بوتگ ات۔ اے پلیٹ فارم ءِ چیر دستی ءَ ایران، ترکی، پاکستان، انڈونیشیا، ملائیشیا، نائیجیریا ءُ قازقستان ءِ وڑیں اسلامی ملک یک مشترکہ حکمت عملی ءِ سرا تپاک کن انت کہ آ سائنسی دیمروئی، نوآبادیاتی، موسمی بدلی، توانائی ءُ پائیدار دیمروئی ءِ وڑیں جیڑہانی گیش ءُ گیوار ءَ بہ کن انت۔
