اسلام آباد۔18مئی (اے پی پی):آئی ٹی ءِ وفاقی وزیر شزہ فاطمہ خواجہ ءَ گشتگ کہ اقتصادی گہتری ءِ ھاتر ءَ حکومت ءِ کوشست آنی جوانیں آسراتی رسگ ءَ انت، ملک ءِ معیشت دیمروئی ءِ راہ ءَ انت ءُ آیوکیں لھتیں سال آنی تہ ءَ آئی ٹی ءِ شوبگ ءَ 700 کروڑ ڈالر ءَ چہ گیش سرمایہ کاری ءِ گمان انت۔ اے ھیالانی درشانی آئی ءَ یک مراگشے ءَ گوں تران کنان ءَ کت۔ وفاقی وزیر ءَ گوشت کہ آئی ٹی ءِ شوبگ ءَ سرمایہ کاری ءِ ھوالگ ءَ جوانیں ھال است انت، آیوکیں لھتیں سال آنی تہ ءَ پاکستان ءَ 700 کروڑ ڈالر ءَ چہ گیش سرمایہ کاری ءِ امیت انت۔ آئی ءَ گوشت کہ اقتصادی گہتری ءِ ھوالگ ءَ حکومتی کوشست آنی جوانیں آسر دیم ءَ آھگ ءَ انت ءُ راجی معیشت دیمروئی ءِ کشک ءَ انت ایشی ءِ تہ ءَ زرّ دیم دیگ ءِ تہ ءَ مزنیں گیشی ریکارڈ کنگ بوھگ ءَ انت۔ آئی ءَ گوشت کہ پالیسی ءِ شرح ءُ مہنگائی ءِ شرح ءِ تہ ءَ مزنیں کمیگ ءِ بوتگ، ایشی ءَ اقتصادی نمبگ ءِ برورد انت۔ پاکستان ءِ سلاھ بندیں اُرد ءَ بھارت ءِ زوراکی ءِ دلیری ءَ پسو داتگ ۔ شزہ فاطمہ خواجہ ءَ گوشت کہ بھارت ءِ گوما انوگیں کش ءُ چیل ءِ وھد ءَ پاکستان ٹیکنالوجی ءِ رد ءَ دگنیا ءِ دیم ءَ دیم ءَ اتکگ۔ آئی ءَ گوشت کہ پاکستان ءَ ھم 200 ملین موبائل سبسکرائبرز ءِ ھاسیں سیل ءَ چہ گوستگ۔
