لاہور ۔18مئی (اے پی پی): وفاقی وزیر اھوالکاری عطا اللہ تارڑ ءَ گوشت کہ پاکستانی اُرد ءَ ھما دلیری ءِ گوما بھارت ءَ را لائکیں پسو داتگ آ راجدپتر ءَ مدام یات کنگ بیت۔ پاکستانی اُرد ءِ تاریخی پسو ءَ پد دژمن لاچار بوت کہ اسپیت بیرک ءِ چست بہ کنت۔ پاکستان ءِ دفاع ناقابل شکست انت۔ دژمن سفارتی محاذ ءَ ہم شکست وارتگ ات۔ یک شمبے ءِ روچ ءَ حق آپریشن بُنیان مرسوس ءِ ھوالگ ءَ یک شمبے ءِ روچ ءَ وتی حلقہ ءَ برجم داشتگیں منت واری ءِ جلسہ ءَ گوں گشتانک دیان ءَ وفاقی وزیر ءِ اھوالکاری ءَ گوشت کہ مھروانیں وطن ءِ رکھینگ ءِ واستہ پاکستانی سلاہ بندیں اُرد آنی قربانی ءُ جزم ستا کرز اَنت۔ وفاقی وزیر ءَ جلسہ ءِ تہا جوش ءُ جزبگ ءِ گوما الس ءَ را خراج تحسین پیش کنان ءَ گوشت کہ مزن وزیر شہباز شریف ءِ سروکی ءُ آرمی چیف جنرل سید عاصم منیر ءِ الہام بخش رہشونی ءَ بھارت ءَ را لائکیں پسو دیگ بوت۔ مرچی سرجمیں راج یکمشت اِنت۔ من سوشل میڈیا ءِ کارمرز کنوک ءُ میڈیا ءِ سک باز منت واراں کہ آہاں بیانیہ جنگ کتگ۔ عطا اللہ تارڑ ءَ گوشت کہ پاکستان ءِ دفاع ءِ واستہ مزن وزیر شہباز شریف ءَ شپ ءُ روچ وتی کرد ءَ برجاہ داشتگ۔ وہدے جنرل عاصم منیر ءِ سروکی ءَ فتح میزائل تیر گواری کنگ بوت گڈا ہندوستان ءَ آشوب بوت۔ آئی ءَ گوشت کہ وھد ءِ بھارت ءَ شپ ءِ تہاری ءَ اُرش کتگ گڈا فضائیہ ءِ فالکنز ءَ بھارت ءِ شش جنگی بالی گراب ایر جتگ انت۔ مئے ایئر فورس ءَ دژمن ءِ اُرش گوں زور ءَ پُشت ءَ کت ءُ دژمن ءِ اُرد ءَ دژمن ءِ بریگیڈ ءِ ہیڈ کوارٹر ءِ سرا تراک کت ءُ ایشی ءَ پد دژمن مجبور بوت کہ آ اسپیتیں بیرک ءَ بہ چست کنت۔ دژمن ءَ اے نہ زانتگ کہ کجام اُرد، فضائیہ یا نیوی ءِ دیم ءَ انت۔ وفاقی وزیر ءِ اھوالکاری ءَ گوشت کہ ما ھما شھید آنی گس ءَ را سلام پیش کن آں کہ آھاں ملک ءِ دفاع ءِ واستہ وتی سر ندر کتگ اَنت۔ وتی جان ندر کت انت بلے گرانقدریں وطن ءِ سرا آتش ءِ شنگ کنگ ءَ نہ دات انت۔ آئی ءَ گوشت کہ اے وش بھتیں راج انت کہ ایشی ءِ مات وتی زھگاں گوں شھادت ءِ روح ءَ مزن کن انت ۔ ھما راج کہ چہ وتی ھند ءَ گوں کفن ءِ سر ءَ درکپیت کس آئی ءَ پروش دات نہ کنت۔ وزیر ءِ اھوالکاری عطا اللہ تارڑ ءَ گوشت کہ مزن وزیر ءِ سروکی ءَ راجی سلامتی کمیٹی ءِ نیمگ ءَ کتگیں پیسلہ ءُ پاکستانی سلاہ بندیں اُرد ءِ کرد ھما وھد ءَ راجدپتر ءَ یات مان بیت۔ آئی ءَ گوشت کہ ما 1971 ءِ واستہ چہ دژمن ءَ بیر زرتگ، مئے بامردیں اُرد ءُ کمانداراں بھادری ءُ دلیری ءَ گوں دژمن ءِ بدیں مراد بے سوب کتگ اَنت۔ بدر ءِ جنگ ءِ حوالہ ءَ آئی ءَ گشتگ کہ بدر ءِ جنگ ءَ مسلمانانی کمیں کساس ءَ ابید ہم مسلمان کافرانی سرا غلبہ دار بوتگ انت۔ مزن وزیر شہباز شریف ءُ آرمی چیف ءِ سروکی ءَ ملک ءِ دفاع دل یکیمی کنگ بوتگ ۔ مرچی مزن وزیر ءِ الہام بخش قیادت ءَ را سلام دیگ ءِ روچ اِنت۔ مزن وزیر ءَ شپ ءُ روچ سفارتکاراں گوں گند ءُ نند کتگ ءُ پاکستان ءِ کیس ءِ جنگ کتگ۔ آئی ءَ دنیا ءَ را گشتگ کہ ما پہلگام ءِ واقعہ ءِ پٹ ءُ پول ءَ ساڑی ایں بلے بد نیتی ءِ دژمن پٹ ءُ پول ءَ چہ تچ اتگ۔ آئی ءَ گوشت کہ بھارت ءِ زوراکی ءِ لائکیں پسو ءَ اے گپ ثابت کت کہ پاکستانی اُرد ءَ را کس شکست دات نہ کنت۔ وزیر ءِ اھوالکاری ءَ گوشت کہ سوشل میڈیا ءِ سر ءَ ورنا آں پاکستان ءِ کیس چون جنگ کتگ ایشی ءِ سر ءَ ھم راجدپتر نبشتہ کنگ بیت۔ سوشل میڈیا ءُ رسانکدر ءَ ھندوستان ءِ دروگیں پروپیگنڈا ءِ ھلاپ ءَ سرجمیں ملک جنگ ءَ ات۔ آئی ءَ گوشت کہ مزن وزیر شہباز شریف ءِ سروکی ءَ ما انفارمیشن وار ءَ شپ ءُ روچ بھارتی پروپیگنڈا ءِ لائکیں پسو دات۔ پاکستان ءَ سوبمندی ءِ مراگش برجم دارگ بوھگ ءَ ات ءُ ہندوستان ءَ غم ءُ زاری ءِ سرا زھر ءُ زھر ات۔ ہندوستان ءِ مہلوک وتی حاکماں جست کنگ ءَ ات کہ دروگیں پروپیگنڈا پرچہ کنگ بوہگ ءَ انت؟ وزیر ءِ اھوالکاری ءَ گوشت کہ میان نواز شریف ءِ دور ءَ بوتگیں شش ایٹمی تراک آنی راجدپتر ءَ را پدا پدا کنان ءَ کہ نوں مزن وزیر شہباز شریف ءِ سروکی ءَ دژمن ءِ شش بالی گراب ایر کنگ بوتگ اَنت کہ ایشی ءَ چہ دژمن ءِ سرجمیں دعویٰ پدر بوتگ اَنت ءُ دژمن ءَ را ایوک ءَ ڈیبری ءِ گوما یلہ داتگ۔ آئی ءَ گوشت کہ مارا اے سوبمندی ءِ سر ءَ پھر کنگ ءِ موہ است انت۔ منی مات ءَ ھم شپ ءُ روچ مئے واستہ دعا کت ءُ حلقہ ءِ ہر ورنا، مات ءُ گہار ءَ دلبڈی دات۔ عطا اللہ تارڑ ءَ گوشت کہ ما امن دوستیں مردم ایں، پاکستان امن ءِ واھشت داریت، بلے دژمن ءَ مئے امن ءِ واھشت ءَ نزوری لیک اِتگ، ایشی ءِ لائکیں رنگ ءَ پسو دیگ بوت۔ آئی ءَ گوشت کہ نوں مزن وزیر شہباز شریف ءِ سروکی ءَ کشمیر ءِ سر ءَ گپ ءُ تران کنگ بیت۔ آئی ءَ گوشت کہ پاکستان ءِ دوستیں ملک آناں ھم اے درگت ءَ وتی سرجمیں کرد پیلو کتگ، امریکی صدر ڈونلڈ ٹرمپ ءَ ھم وتی کرد پیلو کتگ، چین ءَ ھم پاکستان ءِ سرجمیں کمک کتگ، ما سعودی عرب، امارات، قطر، ترکی، ایران، آذربائیجان ءُ ھما درستیں ملک آناں منت وار ایں کہ مئے ھمراھی ءَ اوشتاتگ اَنت، نوں وھد اِنت کہ امن ءُ اے ملک ءِ اقتصادی دیمروئی ءَ دیم ءَ برگ بہ بیت۔ دیم ءَ ، ما اُدان پاکستان ءِ چیر دستی ءَ اقتصادی پڑ ءَ ھم دژمن ءَ را ھلاس کن ایں ۔ کالج روڈ ءَ چہ اکبر چوک ءَ شگر ءُ منت واری ءِ جلسہ آسر بوت۔
