اسلام آباد۔ 16مئی (اے پی پی) سینیٹر عبدالقادر پاک فضائیہ نا شاندار کارکڑد، قومی دفاع نا حکمت عملی، و وزیراعظم پاکستان نا جیرت مندانہ فیصلہ غاتے خراج تحسین پیش کرے۔ جمعہ نادے آ سینیٹ نا دیوان اٹی اوپارے کہ اینو نن یوم تشکر اڈتننگ اُن و تینا بہادر فوج ءِ سلام پیش کینہ ہراقوم انا کاٹم ءِ گمراٹ بڑزکرے۔ سینیٹر عبدالقادر پارے کہ وزیراعظم سلہہ بند فوج انا سروک آتے پورو اختیار تسوسس کہ اودشمن ءِ ہراتم ، ہراڑے و امرچار ورندی ایتر۔ اوپارے کہ دا سرکڑدہ نا پت ئس ہرادے قوم تینا خن تے اٹ خنا۔ اوبھارت اٹی مروک آ ظلم انا ترندی اٹ مذمت ءِ کرسا پارے کہ گجرات نا خونی مودی اینو ہم بھارت نا تہہ ٹی مسلمان آتون دشمنی کننگ ءِ، و پاکستان نا برخلاف پیشن نا پڑآ دہشت گردانہ عزم تخک۔ دنیا داسہ داغٹ ءِ ہُننگ ءِ۔ سینیٹر عبدالقادر مستی پارے کہ مودی رافیل جہا ز آتا غرور اٹ گنوک مسوسس، اودے گپ وتران نا ہم ہوش الوکہ۔ کشمیر نا ویل آ ہیت کرسا اوپارے کہ داسہ کشمیر نا ویل بیرہ اسہ ڈیہہ یا سیمی تنازعہ اس سلتنے ، بلکن جہانی کہول آ اونا ایسری المی مسنے۔
