اسلام آباد۔ 16مئی (اے پی پی) سینیٹ نا باسک آک بھارت ءِ شکست تننگ آ مچ آ قوم و پاکستان نا فوج ءِ خراج تحسین پیش کرساپارینو کہ ملک دشمن تا یکجا و اسٹ مرسا مقابلہ ءِ کینہ، عیار دشمن نا برخلاف تیار مننگ نا گرج ءِ۔ حکومت نا کنڈآن یوم تشکر اڈتننگ نا ستاءِ کینہ، دا جنگ آن کشمیر نا ویل دُوارہ جہانی کہول آ تالان مسنے۔ جمعہ نادے آ سینیٹ نا دیوان اٹی پاکستان نا برخلاف بھارتی جارحیت و پاکستان نا کنڈآن ردعمل آ شرہ ٹی بشخ ہلسا سینیٹر خلیل طاہر سندھو پارے کہ بھارت جارحیت کرسا مسیت و کودک شاری تے شست کرے۔ مچ آ قوم، حکومت ، سیاسی جماعت آک و آرمی چیف جنرل سید عاصم منیر ءِ داشاندار سرسہبی آ خراج تحسین پیش کیوہ ۔ سینیٹر عون عباس پارے کہ پاک بھارت جارحیت مچ آپاکستانی قوم ءِ یکجاکرے ۔ پاکستان یکجا مرسا بھارت ءِ ورندی تس، بھارتی میڈیا دروغ تڑے پاکستانی میڈیا و ڈیجیٹل میڈیا زموارانہ کڑد ادا کرے۔ سینیٹر عرفان الحق صدیقی پارے کہ اپوزیشن ءِ ایوان نا چاگڑد ءِ جوان تخنگے، نن اسہ ایلو نا لیڈر نا بایدے شرف ءِ کین ، ننے اسہ ایلو نا سماءِ۔ سینیٹر حاجی ہدایت اللہ پارے کہ پاکستان دشمن تا یکجا مرسا مقابلہ ءِ کینہ، عیار دشمن نا برخلاف تیار مننگ نا گرج ءِ۔ سینیٹر بلال پارے کہ بھارت نا برخلاف سرسہبی آ یوم تشکر اڈتننگ نا ستاءِ کینہ ، بلاول بھٹو زرداری پاکستان نا موقف ءِ جہانی کہول آ پبی وڑاٹ تالان کرے۔ سینیٹر دنیش کمار پارے کہ اینو مچ ا قوم یوم سرسہبی و یوم تشکر اڈتننگ ءُ، فوج و ننا سائبر وریئر مچ آ دنیا ٹی پاکستان نا دھاک ءِ تولفے ۔ غٹ پاکستانی جوڑ مسر و بھارت ءِ پبی ورندی تسر۔ دا جنگ آن کشمیر نا ویل دُوارہ جہانی کہول آ تالان مسنے۔ سینیٹرز محمد ہمایوں مہمند و ناصر محمود بٹ ئسک ہم شرہ ٹی بشخ ہلکر۔
