اسلام آباد۔16مئی (اے پی پی): ڈپٹی اسپیکر سید غلام مصطفیٰ شاہ ءَ گوشت کہ حکومت دھکان آناں ریلیف ءِ واستہ میکانزم جوڑ بہ کنت وھدیکہ راجی اسمبلی ءَ را گوشگ بوتگ کہ حکومت ءَ گندم ءِ بہا کنگ ءَ را پچ یلہ کنگ ءَ پد پاسکو ءِ ھچ ضلورت نہ اِنت پمیشکا ایشی ءَ را نجی کنگ بوھگ ءَ اِنت۔ جمعہ ءِ روچ ءَ راجی اسمبلی ءَ جست ءُ پرس ءِ وھد ءَ یک جست ءِ پسو ءَ وزارت فوڈ ریسرچ ءَ پارلیمانی امور ءِ وزیر ءِ جست ءُ پرس ءِ پسو ءَ گوشت کہ حکومت ءَ اے سال ءَ پیسلہ کتگ کہ آ گندم نہ زوریت، اگاں کسے کشت ءُ کشاری گودام ءَ گندم ءِ ذخیرہ کنت گڈا حکومت آئی ءَ را گندم ءِ زرّ ھم دنت۔ گندم ءِ اوپن مارکیٹ ءَ جوانیں کار بوھگ ءَ انت، کشت ءُ کشاری ءِ مردم وشھال بوھگ ءَ انت، سرجمیں ملک ءَ گندم ءِ ٹرانسپورٹ ءِ سر ءَ ھچ وڑیں بندش نیست۔ آئی ءَ گوشت کہ پاسکو گندم ءِ بھا زورگ ءَ نہ انت۔ پاسکو ءِ برجاہ دارگ ءَ ہچ فائدہ نیست، بند بوہگ ءَ انت۔ یک مشیر ءِ سروسز ھم آئی ءِ اثاثہانی اندازہ کنگ ءِ ھاترا زورگ بوتگ انت۔ پاسکو ءَ را شفافیں رنگ ءَ نجکاری کنگ بیت۔
