لاہور۔16مئی (اے پی پی): حق ءِ جنگ ءِ تہ ءَ راستی ءِ راجدپتری سوبمندی ءَ پد لاہور ءَ ھم جمعہ ءِ روچ ءَ شکر گرگ ءِ روچ گوں مزنیں شرپ ءُ ازت ءَ برجم دارگ بوت۔ اے موہ ءِ سر ءَ لاہور ءِ اقبال مزار ءَ یک پُر شانیں نماز ءِ مراگش برجم دارگ بوت کہ ایشی ءِ تہ ءَ کور ءِ کمانڈر لاہور لیفٹیننٹ جنرل فیاض حسین شاہ ءَ شریک بوت۔ کور کمانڈر لاہور ءَ پاکستانی مفکر ڈاکٹر علامہ محمد اقبال ءِ مزار ءِ سر ءَ پُل پیش کت ءُ ملک ءِ ایمنی ، دیمروئی ءُ برجائی ءِ واستہ ھاسیں دعا کت ۔ اے موہ ءِ سر ءَ پاک اُرد ءِ جوانیں پوشاکیں دستہ ءَ ھم سلامی دات۔ ایشی ءَ پد کور ءِ کمانڈر لاہور ءَ مہمان کتاب ءِ سرا ہم وتی لیکہ درشان کتگ انت۔ نماز ءِ مراگش ءَ بادشاہی مسجد ءِ خطیب مولانا عبدالخبیر آزات ءَ ملک ءُ قوم ءِ ایمنی ، پاکستانی سلاہ بندیں اُرد ءِ کامیابی ءُ شہیدانی آکبت پہ ھیری ءِ حاصیں دعا کت۔ اے مراگش ءَ اردی ءُ سول افسراں ابید سول مردماں ھم بہر زرتگ۔
