ملک یکوئی ءُ یکوئی ءَ گوں دژمناں جنگ کنت، سینیٹ ءِ باسک راج ءُ پاکستان ءِ سلاہ بندیں اُرد ءَ را شگر ءُ منت پیش کن اَنت

اسلام آباد۔16مئی  (اے پی پی): سینیٹ ءِ باسک آں سرجمیں راج ءُ پاکستان ءِ سلاہ بندیں اُرد ءَ را بھارت ءِ شکست دیگ ءِ سر ءَ شگر ءُ منت پیش کنان ءَ گوشت کہ ملک دژمن آنی گوما یکوئی ءُ دلجمی ءَ گوں جنگ کنت۔ یک زبردستیں دژمن ءِ ھلاپ ءَ تیار بوھگ ءِ ضلورت اِنت۔ ما حکومت ءِ نیمگ ءَ شکر گرگ ءِ روچ ءِ برجم دارگ ءَ را وش آتک کن ایں ۔ اے جنگ ءَ یک رندے پدا کشمیر ءِ جیڈھ ءَ را جھان ءِ پڑ ءَ پدر کتگ۔ جمعہ ءِ روچ ءَ ایوان بالا ءِ دیوان ءَ پاکستان ءِ ھلاپ ءَ بھارتی زوراکی ءُ پاکستان ءِ پسو ءِ ھوالگ ءَ بحث ءَ بھر زوری کنان ءَ سینیٹر خلیل طاہر سندھو ءَ گوشت کہ بھارت ءَ زوراکی کتگ ءُ مسیت ءُ بے گناہیں شہری آناں نشانگ جوڑ کتگ۔ من اے جوانیں سوبمندی ءِ ھاتر ءَ سرجمیں راج، حکومت، سیاسی گل ءُ آرمی چیف جنرل سید عاصم منیر ءَ را شگر ءُ منت وار آں ۔ سینیٹر عون عباس ءَ گوشت کہ پاکستان ءُ ھندوستان ءِ زوراکی ءَ سرجمیں پاکستانی راج یکجاہ کتگ۔ پاکستان ءَ یکجائی کت ءُ بھارت ءَ را جواب دات، ھندی میڈیا ءَ دروگ بست، پاکستانی میڈیا ءُ ڈیجیٹل میڈیا ءَ زمہ واریں کرد پیلو کت۔ سینیٹر عرفان الحق صدیقی ءَ گوشت کہ ایوان ءَ اپوزیشن جوانیں چاگرد ءَ برجم بہ دار ایت، ما یکے دومی ءِ راہشون آنی عزت ءَ بکن ایں، ما یکے دومی ءَ را زانیں۔ سینیٹر حاجی حدایہ اللہ ءَ گوشت کہ پاکستان یک مُتپاکی ءَ گوں اوشتات کنت ءُ وتی دژمن آنی گوما جنگ کنت، چالاکیں دژمن ءِ ھلاپ ءَ تیاری ءِ ضلورت انت۔ سینیٹر بلال ءَ گوشت کہ ما بھارت ءِ ھلاپ ءَ سوبمندی ءِ واستہ شکر گرگ ءِ روچ ءِ برجائی ءَ را وش اتک کن ایں، بلاول بھٹو زرداری ءَ جھان ءِ تک ءَ پاکستان ءِ پوزیشن ءَ را سرجمیں رنگ ءَ پدر کتگ۔ سینیٹر دنیش کمار ءَ گوشت کہ مرچی سرجمیں راج سوبمندی ءِ روچ ءُ شکر گرگ ءِ روچ ءَ دارگ ءَ انت، فوج ءُ مئے سائبر واریئرز ءَ سرجمیں دگنیا ءَ پاکستان ءَ را ناز کتگ ۔ ہر کس پاکستانی بوت ءُ ہندوستان ءَ را لائکیں پسو دات۔ اے جنگ ءَ یک رندے پدا کشمیر ءِ جیڑہ میان استمانی پڑ ءَ دیما آؤرتگ۔ گپ ءُ تران ءِ تہ ءَ سینیٹرز محمد ہمایوں مہمند ءُ ناصر محمود بٹ  ءَ باست ءُ واست ءَ بھر زوری  کت۔