اسلام آباد۔16مئی (اے پی پی): مزن وزیر محمد شہباز شریف ءَ برآمدات ءُ سرمایہ کاری ءِ دیمروئی ءِ ھاتر ءَ راجدپتری گامگیج ءِ تہ ءَ درآمدات ءِ ڈیوٹی (ٹیرف) ءِ تہ ءَ کم کم ءَ بلے مزنیں کساسے ءَ کمی ءِ منظوری داتگ ءُ گوشت کہ حکومت یک مھکمیں معیشت ءِ ھاتر ءَ ءُ سرجمیں رنگ ءَ روزگار ءِ ھاتر ءَ ھچ وڑیں کوشست ءَ چہ رکّینت نہ کنت۔ جمعہ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ راجی ٹیرف پالیسی ءِ ھوالگ ءَ آئی ءِ سروکی ءَ یک ھاسیں دیوان ءِ تہ اے ھیالانی درشانی کت کہ جمعہ ءِ روچ ءَ مزن وزیر گس ءَ برجم دارگ بوت۔ بیان ءِ رد ءَ دیوان ءَ برآمد ءُ سرمایہ کاری ءَ را دیمروئی دیگ ءِ واستہ درآمد ءِ ڈیوٹی ءَ را سک باز کم کنگ ءِ پیسلہ کنگ بوت۔ گند ءُ نند ءِ تہ ءَ مزن وزیر ءَ وتی اے جزم ءِ سر ءَ زور پر دات کہ حکومت یک مھکمیں معیشت ءِ ھاترا ھچ وڑیں کوشست ءَ چہ رکّین ایت، روزگار ءِ موہ پجارینگ ءُ مہنگائی ءَ را دائمی ءُ سرجمی ءَ را ھلاس کنگ ءِ ھاترا ھچ وڑیں کوشست ءَ چہ رکّینت نہ کنت۔ آئی ءَ گوشت کہ ملکی ءُ درملکی اقتصادی زانتکار آنی گوما مزنیں شور ءُ سلاہ ءَ پد بنیاتی اقتصادی اصلاحات ءِ واستہ یک سرجمیں منصوبگ جوڑ کنگ بوتگ۔ بیان ءِ رد ءَ مزن وزیر ءَ وتی اقتصادی ریکوری منصوبگ ءِ برجاہ دارگ ءَ درآمد ءِ ڈیوٹی (ٹیرف) ءِ تہ ءَ کم کم ءَ بلے مزنیں کساس ءَ کمی ءِ منظوری ءَ راجدپتری گامگیج چست کتگ۔ اے گامگیج ءَ را اقتصادی گہتری ءِ ھاترا یک ھاسیں سنگ میل ءِ رنگ ءَ بیان کنگ بوھگ ءَ اِنت کہ ایشی ءَ چہ برآمدات ءِ سروکی ءَ دیمروئی ءِ ھاترا توان رسیت۔ اے پیسلہ ءَ چہ نہ ایوک ءَ بے روزگاری ءِ گر ءُ دار ءَ کمک رسیت بلکینگ ءَ مہنگائی ءِ شرح ءَ را کنٹرول ءِ تہ ءَ دارگ ءَ ھم کمک رسیت۔ ایشی ءَ ابید ایشی ءِ آسر ءَ میاں اوستمانی سرمایہ کاری ءَ را گیش کنگ بیت کہ ایشی ءَ چہ نوکیں روزگار ءِ موہ پیداک بنت۔ حکومت ءِ کوشست انت کہ مہلوک ءَ را ھاسیں رنگ ءَ وانندہیں ورناہاں شرپداریں روزگار ءِ گوما روزگار بہ دنت۔ بیان ءِ تہ ءَ گوشت کہ مزن وزیر ءَ ہدایت کتگ کہ آیوکیں چار ءُ پنچ سال آنی تہ ءَ ایڈیشنل کسٹم ڈیوٹی (اے وھد ءَ 2درسد ءَ چہ 7درسد ءِ نیام ءَ) ءُ ریگولیٹری ڈیوٹی (اے وھد ءَ 5درسد ءَ چہ 90درسد ءِ نیام ءَ) سرجمی ءَ ھلاس کنگ بہ بیت۔ ھمے وھد ءَ آیاں کسٹم ڈیوٹی ءَ گیش ءَ چہ گیش 15 درسد ءَ تاں محدود کنگ ءِ پیسلہ کتگ وھدے کہ اے وھد ءَ اے شرح لھتیں چیزانی سر ءَ 100 درسد ءَ چہ گیش اِنت۔ کسٹم ڈیوٹی ءِ شرح (سلیب) چار ءِ سر ءَ بندش جنگ بوتگ کہ ایشی ءَ چہ درآمدات ءِ ھوالگ ءَ قانونی پیچیدگی آناں مزنیں کساسے ءَ کم کنگ بیت ءُ جتا جتائیں صنعت آنی واستہ یک وڑیں موہ رس ایت۔ بیان ءِ رد ءَ مزن وزیر ءِ اے راجدپتری پیسلہ ءَ چہ معیشت درملکی سرمایہ کاری ءِ واستہ پچ بیت ءُ ملکی صنعت آناں خام مال، انٹرمیڈیٹ سامان، ءُ سرمایہ کاری سامان آنی واستہ آسان ءُ ارزانیں رسائی رس ایت۔ ایشی ءَ ابید مقابلہ ءِ تہ ءَ گیشی ءِ سبب ءَ دمگی صنعت گیش کارآمد ءُ مقابلہ ءِ سبب جوڑ بنت کہ ایشی ءَ چہ ملک ءِ واستہ برآمداتی آمدنی ءَ را گیش کنگ ءَ کمک رسیت ءُ اے وڑ ءَ مہنگائی ءُ کرنسی ءِ قدر ءِ کمی ءَ را کنٹرول کنگ ءَ کمک رسیت۔ مزن وزیر ءَ اے تجویز ءِ توامیں تک ءُ پھنات آنی سر ءَ دلگوشی ءَ گوں چار ءُ تپاسی کت، ٹیرف آنی تہ ءَ کمی ءَ چہ نہ ایوک ءَ کرنٹ اکاؤنٹ ءِ خسارہ ءَ را مھکم کنگ بیت بلکینگ ءَ کسٹم ڈیوٹی ءَ چہ گیش آمدنی پیداک کنگ ءَ ھم کمک رسیت۔ بیان ءِ تہ ءَ گوشگ بوت کہ مزن وزیر ءَ گند ءُ نند ءَ نفاذ کمیٹی ھم جوڑ کت۔ مزن وزیر ءَ اے گپ ءِ پد ءَ گوشت کہ ملک ءِ اقتصادی گہتری آئی ءِ اولی ترجی انت۔ گند ءُ نند ءَ بنجاھی وزیر تجارت جام کمال خان، بنجاھی وزیر اقتصادی امور احد خان چیمہ، بنجاھی وزیر ھزانگ ءُ آمدنی محمد اورنگزیب، بنجاھی وزیر پٹرولیم علی پرویز ملک، مزن وزیر ءِ ھاسیں کمکار ہارون اختر ءُ ہمگرنچیں ادارگ2 ءِ مزنیں افسراں بہر زرتگ۔
