لاہور۔16مئی (اے پی پی): شکر گرگ ءِ روچ ءِ موہ ءَ جمعہ ءِ روچ ءَ لاہور ءِ میانی صاحب قبرستان ءَ 1971 ءِ ہند پاکستان ءِ جنگ ءِ شہید میجر شبیر شریف ءِ یات ءَ گلدستہ ایر کنگ ءِ مراگش برجم دارگ بوت۔ جنرل آفیسر کمانڈنگ 11ڈویژن میجر جنرل راؤ عمران سرتاج ءَ میموریل ءِ سر ءَ پُل ایر کتگ ءُ فاتحہ پیش کتگ۔ اے موہ ءِ سر ءَ پاک اُرد ءِ جوانیں پوشاکیں دستہ ءِ نیمگ ءَ سلامی ھم پیش کنگ بوت۔ مراگش ءَ بریگیڈیئر کاشف، لیفٹیننٹ کرنل آصف غفور، شہید ءِ کھول ءِ مردماں ءُ اے دگہ مردماں ہم بہر زرتگ ات۔ اے موہ ءَ شہید آں وتی راجی فرض ءِ پیلو کنگ ءِ تہ ءَ مزنیں قربانی ءَ را داد پیش کنگ بوت۔ جنرل آفیسر کمانڈنگ 11 ڈویژن میجر جنرل راؤ عمران سرتاج ءَ میجر شبیر شریف شہید نشان حیدر ءَ را شگر ءُ منت گپت ءُ گوشت کہ شھید دلیری ءُ راج دوستی ءِ علامت انت۔ 1965 ءُ 1971 ءِ جنگانی تہا آئی ءِ بہادریں کار مارا شہیدانی مزنیں قربانیانی یات ءَ دئینت۔ کہ راج چہ شُمار ءَ نہ بلکیں چہ ایمان، لگن ءُ گرانیں جاوراں دلیری ءَ سوبین بنت۔
