اسلام آباد۔16مئی (اے پی پی): بنجاھی وزیر ھزانگ ءُ آمدنی ءِ سینیٹر محمد اورنگزیب ءَ گوشت کہ موسمیاتی بدلی پاکستان ءِ واستہ وجودی ھترہ آنی تہ ءَ یکے ۔ گرین سکوک ءَ چہ جم بوتگیں زرّ سرجمیں ملک ءَ آپ ءِ منصوبگ آنی واستہ کارمرد کنگ بنت۔ کثیر جہتی، دو نیمگی شریک ءُ سرمایہ کار لوٹ اَنت کہ پاکستان ٹیکس، توانائی، ایس او اے، نجکاری، سرکاری مالیات ءُ پنشن ءَ ھوار جتا جتائیں شوبگ آنی تہ ءَ ڈھانچہ ءِ اصلاحات ءَ را برجاہ بہ دار ایت۔ جمعہ ءِ روچ ءَ پاکستان ءِ اولی وت واجہیں گرین سکوک بانڈز ءِ جاری کنگ ءِ موہ ءَ وتی گشتانک ءِ تہ ءَ آئی ءَ گوشت کہ بنداتی رنگ ءَ گرین سکوک ءَ چہ 30ارب کلدار جم کنگ بیت، ءُ اے پاکستان اسٹاک ایکسچینج ءَ درج کنگ بنت۔ کل قرضہ ءِ تہا سکوک ءِ بہر 14درسد ءَ سر بوتگ۔ اے درگت ءَ ما ملائیشیا ءِ ماڈل ءِ رندگیری کنگ لوٹیں ۔ آئی ءَ گوشت کہ گرین سکوک ءَ چہ جم بوتگیں فنڈز سرجمیں ملک ءَ آپی منصوبگ آنی واستہ کارمرد کنگ بنت، چیا کہ موسمیاتی مٹ ءُ بدلی پاکستان ءِ واستہ وجودی ھترہ آنی تہ ءَ یکے انت۔ وزیر ھزانگ ءَ گوشت کہ ملکی معیشت ءِ راھشونی جندی شوبگ بہ بیت۔ موسمیاتی بدلی ءُ موسمیاتی مالی کمک ءِ تہ ءَ نجی شعبہ ءِ کرد کلیدی ارزشت ءِ واھند اِنت۔ آئی ءَ گوشت کہ ما ڈیبٹ مینجمنٹ کارگس ءَ را جوانیں میاں اوستمانی کار آنی رد ءَ نوکیں رنگ ءُ دروشم جوڑ کنگ ءَ آں۔ اے درگت ءَ جتا جتائیں ءُ جتائیں فنڈنگ منصوبہ دیم ءَ کاینت۔ ھزانگ ءِ وزیر ءَ گوشت کہ ما پاکستان اسٹاک ایکسچینج ءَ را 100 انڈیکس ءِ نوکیں ریکارڈ ءِ سر ءَ مبارک بات دئیگ ءَ ایں ۔ اے ملک ءِ معیشت ءُ پاکستان ءِ برجاھیں سوبمندی آنی سر ءَ سرمایہ کار آنی دل یکیمی ءِ درشان اِنت کہ اے سرجمیں ملک ءَ شکر گرگ ءِ روچ ءِ موہ ءَ پاکستان اسٹاک ایکسچینج ءِ واستہ جوانیں بندات اِنت۔ من ءَ دل یکیمی اِنت کہ پاکستان ءُ پاکستان اسٹاک ایکسچینج ءِ ھاتر ءَ گیش وشیں ھال دیم ءَ کیت۔ وزیر ءِ ھزانگ ءَ گوشت کہ آئی ءَ گوستگیں روچاں واشنگٹن ءُ لندن ءَ کثیر نیمگی، دو نیمگی شریک ءُ سرمایہ کار آنی گوما برجاھیں گند ءُ نند کتگ۔ مارا اے گند ءُ نند آنی نیمگ ءَ چہ دو کلوہ رستگ، اولی ایش کہ کثیر جہتی، دو نیمگی شریک ءُ سرمایہ کار پاکستان ءِ سرجمیں اقتصادی استحکام ءَ چہ وش اَنت، آئی ءَ پاکستانی معیشت ءِ استحکام ءِ رفتار ءُ شیڈول ءَ را ساڑاتگ ءُ ایشی ءِ سر ءَ وتی حیرانی ءِ درشانی کتگ۔ وزیر ءِ ھزانگ ءَ گوشت کہ پیسریگیں کیئر ٹیکر وزیر ھزانگ ڈاکٹر شمشاد ءَ را کریڈٹ دیگ لوٹ ایت آئی ءَ عبوری وھد ءَ پاکستان ءِ معیشت ءِ واستہ راہ ءُ در ایر کتگ ءُ ما ھمے راہ ءِ سر ءَ روگ ءَ برجاہ ایں ۔ وزیر ءِ ھزانگ ءَ گوشت کہ کثیر نیمگی، دو نیمگی شریک ءُ سرمایہ کار لوٹ ایت کہ پاکستان ٹیکس، توانائی، ایس او اے، نجکاری، سرکاری مالیات ءُ پنشن ءَ ھوار جتا جتائیں شوبگ آنی تہ ءَ ڈھانچہ ءِ اصلاحات ءَ را برجاہ بہ دار ایت۔ وزیر ءِ ھزانگ ءَ گوشت کہ آیوکیں مالی سال ءِ واستہ بنجاھی بجٹ ءِ تیاری برجاہ انت ایشی ءِ درگت ءَ جتاجتائیں اسٹیک ہولڈر آنی گوما مشورہ ءُ گپ ءُ تران بوھگ ءَ انت۔ اے درگت ءَ مارا چہ فروری ءَ سوج رسگ ءَ انت۔ آئی ءَ گوشت کہ ما لوٹ آں کہ بنجاھی بجٹ پاکستان ءِ واستہ ہوم گراؤنڈ اکنامک ایجنڈا ءِ بنیات ءَ پاکستانی معیشت ءِ اسٹریٹجک ڈائریکشن ءَ را پدر بہ کنت۔ ھزانگ ءِ وزیر ءَ گرین سکوک ءِ جاری کنگ ءِ تہ ءَ بینک آنی کمک ءِ سر ءَ ھم شگر ءُ منت گپت۔
