راولپنڈی ؍اسلام آباد۔16مئی (اے پی پی): صدر آصف علی زرداری ءَ گوشت کہ مارا وتی بہادریں سپاھیگ آنی قربانی آنی سر ءَ پھر اِنت، سرجمیں راج مئے سپاھیگ آنی قربانی آنی سر ءَ سلام اِنت، ءُ شھید ءُ آھانی کھول ءِ قربانی آنی سر ءَ مدام شگر ءُ منت وار بیت۔ جمعہ ءِ روچ ءَ صدر ءِ مملکت ءَ اسکواڈرن لیڈر عثمان یوسف ءِ گس ءِ تر ءُ تاب کت کہ آ ہندوستان ءِ ھلاپ ءَ جنگ ءَ شہید بوتگ۔ ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اسکواڈرن لیڈر عثمان یوسف شہید ءِ گس ءَ سر بوھگ ءِ موہ ءَ صدر ءِ مملکت ءَ شھید ءِ پت ءُ اے دگہ کھول ءِ مردماں گوں دلپدردی ءِ درشانی کتگ۔ صدر ءِ مملکت ءَ شہید ءَ را ملک ءِ ھاتر ءَ کتگیں ازمت ئُُ ملک ءِ دیمپان ءَ وتی کُربانی ءِ پد ءَ راجی نیمگ ءَ چہ شھید ءَ را شگر ءُ شان دات۔ اے موہ ءِ سر ءَ صدر ءِ مملکت ءَ گوشت کہ وتی بامردیں سپاھیگ آنی قربانی آنی سر ءَ مارا پھر اِنت، سرجمیں راج وتی سپاھیگ آنی قربانی آنی سر ءَ سلام اِنت، ما وتی شھید آنی ءُ آھانی ھاندان آنی قربانی آنی سر ءَ مدام شگر ءُ منت وار باں ۔ صدر آصف علی زرداری ءَ فاتحہ پیش کت ءُ شہید ءِ برز کنگ ءِ دعا ہم کت۔ آئی ءَ گوں شھید ءِ کھول ءَ ھمدردی ءِ درشانی کتگ ءُ آھانی صبر ءِ دعا کتگ۔
