اسلام آباد۔16مئی (اے پی پی): آپریشن بنیان مرصوص ءَ پاکستانی فوج ءِ شاندار سوبمندی ءِ سر ءَ بنجاھی دارالحکومت ءَ تیرگواری ءِ توار بوت۔ بنجاھی دارالحکومت ءِ گوما جموں ءُ کشمیر ءُ گلگت بلتستان ءَ ھوار توامیں صوبائی دارالحکومت آنی تہ ءَ بندوق ءِ سلامی ھم دیگ بوت۔ شکر گِنگ ءِ روچ ءِ موہ ءَ اسلام آباد ءَ 31 تپنگ ءِ سلامی دیگ بوتگ وھدیکہ صوبائی دارالحکومت ءَ 21 تپنگ ءِ سلامی دیگ بوتگ ۔ اے موہ ءِ سرءَ پاک فوج ءِ سپاھیگاں ملک ءِ رکھینگ ءِ جزم ءِ پدا زور پر دات۔ پاک فوج ءِ سپاھیگاں ھم دژمن ءِ نیمگ ءَ چہ ھرچ وڑیں زوراکی ءِ لائکیں پسو دیگ ءِ وعدہ کتگ۔ پاکستان ءِ چاگرد ءَ تکبیر، پاکستان زند آباد ءُ پاک فوج زندگ بات ءِ نہردگ ءَ بڈا بوت۔ بنیان مرصوص ءِ جنگ/شکر ءِ روچ ءِ درگت ءَ روچ ءِ بندات گوں قرآن ءِ تلاوت ءُ نماز ءَ بوت۔ راج یکجاھیں جوزگ ءِ گوما مرچی آپریشن بنیان مرصوص ءَ پاکستانی اُرد ءِ شاندار سوبمندی ءِ درگت ءَ وش آتک کنگ ءَ اِنت۔ روچ ءِ بنگیج چہ مسیت آنی تہ ءَ پاکستان ءِ برجائی ءُ دیمروئی ءُ وشھالی ءِ واستہ ھاسیں دعا ءِ گوما بوت۔ ہندوستان ءِ ناجائزیں قبضہ جموں ءُ کشمیر ءِ آجوئی ءِ ھاتر ءَ ھاسیں دعا ھم کنگ بوت۔ نماز شکر ءَ پد پاکستانی سلاہ بندیں اُرد ءِ کامیابی ءُ سوبمندی ءُ شہیدانی آکبت ءِ برزئی ءِ واستہ قرآن وانی ھم برجم دارگ بوت۔ مسیتانی تہا زانتکار، لس مھلوک ءُ پاکستانی فوج ءِ سپاھیگاں اے وعدہ ءِ پدا زور دات کہ دژمن ءِ بدیں نیتاں ھچبر سوبمند بوھگ ءِ موہ نہ دیگ بیت۔
