اسلام آباد۔16مئی (اے پی پی): بنجاھی تہی کارانی وزیر محسن نقوی ءَ گوشت کہ ما ھندی زوراکی ءِ ھلاپ ءَ پاکستان ءِ شاندار سوبمندی ءِ پد ءَ اللہ تعالیٰ ءِ شگر ءُ منت ءَ سجدہ کنیں۔ وطن ءِ شہیداں سلام انت کہ آہانی بے دروریں قربانیاں انصاف ءِ جنگ ءَ سوبمندی رستگ۔ بزدلیں دژمن ءَ چو مدام ءَ اے رندی ھم شپ ءِ تہاری ءَ اُرش کُت۔ شکر گرگ ءِ روچ ءَ وتی کلوہ ءِ تہ ءَ تہی کارانی وزیر محسن نقوی ءَ گوشت کہ پاکستان ءِ بامردیں زھگ آناں ارزشتی ایں سبق ءِ وسیلگ ءَ دژمن ءَ را پروش دات۔ دژمن چہ اقتدار ءِ تکبر ءَ نشہ ءِ آماچ بوتگ ات ءُ لہتیں کلاک ءَ پد میدان ءَ چہ درکپتگ ات۔ پاکستان ءِ فالکناں 6 ھندی بالی گراب ءِ ایر جنگ ءَ چہ ھوائی جنگ ءِ تہ ءَ نوکیں راجدپتر جوڑ کتگ۔ پاکستان ءِ سلاھ بندیں اُرد ءَ دژمن ءِ دیم ءَ سنگ پہ اینٹاں جواب دیئگ ءَ مزنیں سوبمندی ءِ زرین بابے رس اِتگ۔ محسن نقوی ءَ گوشت کہ اے پاکستانی سلاہ بندیں اُرد ءِ ھمراھی ءَ وت مہ وتی ءُ شرپداریں پاکستانی راج ءِ سوبمندی اِنت، ایشی ءِ سر ءَ ھمک پاکستانی ءَ پھر اِنت۔ آرمی چیف جنرل سید عاصم منیر، ائیر اسٹاف ءِ سروک زہیر احمد بابر ءُ پاک بحریہ ءِ سروک ایڈمرل نوید اشرف ءَ را شگر ءُ منت واراں۔ سئیں سروسز چیفانی زانتکاریں ءُ دلیریں سروکی ءَ بہادریں زھگاں دژمن ءِ بدیں ارادہ ءِ سرا زھر شانی کت۔
