اسلام آباد۔16مئی (اے پی پی): امریکی ادارُکی سفیر نیٹلی بیکر ءَ بنجاھی تہی کارانی وزیر محسن نقوی ءَ گوں گند ءُ نند کت ایشی ءِ تہ ءَ وت مہ وتی سیت ءِ جیڈھ، پاک امریکہ ءِ سیادی ءُ دو نیمگی کمک ءَ را گیش کنگ ءِ جیڈھ آنی سر ءَ گپ ءُ تران کنگ بوت۔ گند ءُ نند ءَ پاکستان ءُ ہندوستان ءِ جنگ بندی ءَ پد ءِ جاورحالانی سرا ہم گپ ءُ تران بوتگ ۔ بنجاھی تہی کارانی وزیر محسن نقوی ءَ پاکستان ءُ بھارت ءِ نیام ءَ جنگ بندی ءِ تہ ءَ کلیدی کرد ءِ پد ءَ امریکی صدر ڈونلڈ ٹرمپ ءُ سفیر ءِ منت گپت۔ دوئیں ایٹمی طاقتانی نیام ءَ جنگ بندی ءِ کریڈٹ امریکی صدر ڈونلڈ ٹرمپ ءَ رسیت ۔ امریکی صدر ڈونلڈ ٹرمپ ءَ اے دمگ ءَ را یک ھرابیں آفت ءِ چہ رکّینگ ءَ انسانیت ءِ ھزمت کتگ۔ آئی ءَ گوشت کہ پاکستان ءِ سروکی ءِ بابت ءَ امریکی صدر ڈونلڈ ٹرمپ ءِ جوانیں لیکہ آناں وش اتک کناں۔ ما امریکہ ءِ گوما یکوئی کمک ءَ را گیش دیم ءَ برگ لوٹ ایں ۔ ادارُکی امریکی سفیر ءَ گوشت کہ پاکستان ءِ گوما جوانیں سیادی است انت۔ امریکا پاکستان ءِ گوما جتاجتائیں شوبگاں برجاہ بیت ۔ اے موہ ءِ سر ءَ بنجاھی تہی کار ءِ سیکرٹری خرم آغا ھم ساڑی ات۔
