کوئٹہ۔ 16 مئی (اے پی پی) پاکستان پیپلزپارٹی نا قومی اسمبلی نا باسک نوابزادہ جمال خان رئیسانی پارینے کہ یوم تشکر پوسکن آ عزم و ولولہ اٹ پاکستان نا سالمیت ، بقاو دفاع نا عزم انا د ے ءِ۔ اوآپریشن بنیان مرصوص نا سرسہبی آن پد جمعہ نادے آ یوم تشکر نا وخت آ تینا بیان اٹی پارے کہ یوم تشکر آپریشن بنیان مرصوص نا سرسہبی آ اللہ رب العزت نا دربار اٹی شکر نا دے ءِ، ای مچ آ قوم انا جوزہ، سیوت و حوصلہ ءِ خراج تحسین پیش کیوہ۔ اوپارے کہ آپریشن بنیان مرصوص ہمو تاریخی لمحہ ئس ہراتم پاکستان نئے بیرہ تینا گل زمین نا بہادری اٹ دفاع ءِ کرے بلکن بھارت نا غرور ءِ ہم مش تا کرے۔ اوپارے کہ سلہہ بند فوج کسبی مہارت، جیرت وایمان آن سرشار مرسا دشمن نا جارحیت نا گچین ورندی ءِ ترسا مدامی کن اوفتا ناپاک عزم ءِ مش تاکرینے۔ اوپارے کہ دا بیرہ اسہ عسکری سرسہبی اس الوکہ بلکن دنیا کن اسہ پیدوار ءُ کلہو اس ئس کہ پاکستان اسہ یکجا، سنبرینگوک و ناقابل شکست قوم اسے ۔ اوتینا فوج ، ریاستی ادارہ و پاکستانی الس ءِ سلام پیش کرے۔
