کراچی۔ 16مئی (اے پی پی) پاکستان پیپلزپارٹی نا چیئرمین بلاول بھٹو زرداری آپریشن بنیان مرصوص نا سرسہبی آ یوم تشکر نا وخت آ پاکستان نا الس و پاکستان نا فوج ءِ مبارکبادی پیش کرینے۔ تینا کلہو اٹی اوپارے کہ اینودا قول انا پوسکنی نادے ءِ کہ ہراتم ہم وطن عزیز نا بقاغا لوز اس بس، نن غٹ ہنداوڑ یکجا و بڑزکو حوصلہ مرینہ۔ آپریشن بنیان مرصوص نا سرسہبی ڈیہہ اٹی بھارت نا عسکری برتری نا غرور ءِ مش تا کرینے۔ بلاول بھٹو زرداری پارے کہ اینو پک مسنے کہ فضاآن سمندر اسکان و بڑزوبھلن مش تیان میدان اسکان پاکستان نا برتری ءِ، بھارت نا لغورانگا جلہو نا بے سہبی مچ آ دنیا ٹی ہندوستانی حکومت ءِ رسواکرینے۔ اوپارے کہ نن پرامن اُن ولے ننتون ہرکس ءِ ٹکر ہلیک، اودے کاری ورندی ملک، اوپارے کہ بھارت نا کنڈآن سندھ طاس معاہدہ نا اسہ کنڈی معطلی ءِ سگپنہ، نن تینا آبی حق آ جلہو نا دفاع ءِ کینہ۔
