اسلام آباد۔ 16مئی (اے پی پی) بنجائی وزیر داخلہ محسن نقوی تون امریکہ نا قائم مقام سفیر نیٹلی بیکر اوڑدہی کرے ہراٹی تین پہ تینی است خواہی نا امور ، پاک امریکہ تعلقداری و ہڑتوم آ کنڈآتا کمکاری ءِ ودفنگ آ گپ وتران کننگا۔ اوڑدہی ٹی پاک بھارت جنگ بندی آن پد نا حالیت آتیاہم گپ وتران کننگا۔ بنجائی وزیر داخلہ محسن نقوی پاک بھارت جنگ بندی ٹی اہم کڑد آ امریکی صدر ڈونلڈ ٹرمپ و سفیر نا منت واری ءِ ہرفے۔ اونا پاننگ ئس کہ اِرا ایٹمی واکدار آتا نیام اٹ سیز فائر نا کریڈٹ امریکی صدر ڈونلڈ ٹرمپ ءِ کاہک۔ امریکی صدر ڈونلڈ ٹرمپ ڈیہہ ءِ بھسکاری آن بچفسا انسانیت نا خذمت ءِ کرینے۔ اوپارے کہ پاکستان نا سرکڑدہ نا بارواٹی امریکی صدر ڈونلڈ ٹرمپ انا مثبت خیال آتا ستاءِ کینہ۔ امریکہ تون تین پہ تینی کمکاری ءِ پین مون آ دننگ خوانہ۔ قائم مقام امریکی سفیر پارے کہ پاکستان تون گچین تعلقداری ءِ۔ امریکہ چندی بشخ آتیٹی پاکستان تون کمکاری ءِ برجاتخک۔ بنجائی سیکرٹری داخلہ خرم آغاہم داوخت آ ساڑی ئسک۔
