اسلام آباد – 15مئی (اے پی پی): وفاقی وزیر اھوالکاری عطا اللہ تارڑ ءَ گوشت کہ آپریشن ’’بنیان مرصوص‘‘ ءَ پاک اُرد ءِ بہادری، قربانی ءُ راجدپتری سوبمندی ءِ پد ءَ باندا سرجمیں ملک ءَ ’’شکر گزار ءِ روچ‘‘ برجم دارگ بیت۔ پاک اُرد ءِ گوما یکوئی ءِ درشان کنگ ءِ واستہ جمعہ (باندا) شکر گرگ ءِ روچ ءِ دارگ ءِ موہ ءَ وفاقی وزیر ءِ اھوالکاری ءَ گوشت کہ اللہ تعالیٰ ءَ حق آپریشن بنیان مرصوص ءِ جنگ ءَ راجدپتری سوبمندی داتگ۔ ما وتی شہیداں یات کنیں، اللہ تعالیٰ ءِ شکر ءَ پیش کنیں، ءُ باندا سرجمیں ملک ءَ شکر گزار ءِ روچ برجم دارگ بیت۔ آئی ءَ گوشت کہ اللہ تعالیٰ ءَ مارا پاکستان ءِ رنگ ءَ نعمت داتگ، ایشی ءِ دیمپانی مئے پاکستانی ارد ءَ بہادری ءُ دلیری ءَ گوں کتگ، اللہ تعالیٰ ءَ مارا سوبمندی داتگ۔ کلیں راج پہ اے سوبمندی ءَ اللہ تعالیٰ ءِ دیم ءَ سجدہ کنت۔ ما وتی شھیداں یات کن ایں ءُ اللہ تعالیٰ ءِ شکر ءَ پیش کن ایں ۔ آئی ءَ گوشت کہ روچ ءِ بندات ءَ سلاہ بندیں اُرد ءُ ملک ءِ واستہ ھاسیں دعا کنگ بیت۔ جمعہ ءِ مچیانی تہا پاکستان ءِ ملک، قوم ءُ سلاہ بندیں اُرد ءِ ھاترا ھاسیں دعا کنگ بیت۔ سرجمیں ملک ءَ بیرک ءِ ٹنگگ ءِ مراگش برجم دارگ بنت، ءُ شہیدانی قبراں زیارت کنگ بیت، ءُ آہاں توسیپ ءُ ستا پیش کنگ بیت۔ وفاقی وزیر ءِ اھوالکاری ءَ گوشت کہ قائداعظم ءُ اقبال ءِ مزار آنی سر ءَ گارڈ آنی بدل کنگ ءِ واستہ پُر مڈائیں مراگش ءِ برجم دارگ بیت، شھید آنی یات آنی سر ءَ نماز ءِ مراگش ءُ ادیرہ ءَ پُل ایر کنگ بیت۔ آئی ءَ گوشت کہ باندا روچ ءِ بنگیج وفاقی دارالحکومت آنی تہ ءَ 31 ءُ صوبائی دارالحکومت آنی تہ ءَ 21 ٹوپ ءِ سلامی ءَ گوں بندات بیت۔ ما درست یکجاہ اللہ تعالیٰ ءِ شکر ءَ کنیں۔ اللہ تعالیٰ ءَ اے راج ءِ عزت ءُ ازت گیش کتگ۔ وفاقی وزیر عطا اللہ ترار ءَ گوشت کہ باندا شپ اسلام آباد ءَ پاکستان یادگار ءَ شکر گزار ءِ روچ ءِ ھاسیں مراگش برجم دارگ بیت، ایشی ءِ تہ ءَ مزن وزیر محمد شہباز شریف ھاسیں مہمان بیت۔ مراگش ءِ تہا چیئرمین جوائنٹ چیفس آف اسٹاف کمیٹی، سروسز چیفس ءُُ وفاقی وزیر بہر زور انت۔ مین ایونٹ ءَ چہ راج ءَ را یکوئی ءِ کلوہ سر کنگ بیت۔ وفاقی وزیر ءِ اھوالکاری ءَ گوشت کہ الس وتی گس آنی سر ءَ پاکستان ءِ بیرک ءَ چست بہ کنت، شپ ءَ رژن بہ کنت ءُ پاکستانی لشکر ءُ شہید آنی گوما یکوئی ءِ درشان بہ کنت۔ اے پاکستانی راج ءِ سوب مندی اِنت، بیا اِت ایشی ءَ ھم وشی ءِ وشّی ءَ کن اِیں. ہر نیمگ ءَ پاکستان ءِ بیرک ایر کنگ گندگ بیت۔ سرجمیں راج شکر گزار ءِ روچ ءَ گوں سرجمیں شرپ ءُ ازت ءَ برجم دارئیت۔
